ಇನ್ಮೇಲೆ ಪ್ರೈವೇಟ್ ಟ್ಯಾಕ್ಸಿ ನೀವು ಕೂಡ ಓಡಿಸಬಹುದು !!

ಖಾಸಗಿ ವಾಹನಗಳನ್ನು ಟ್ಯಾಕ್ಸಿಗಳಾಗಿ ಬಳಸುವುದರಿಂದ ಆರ್ಥಿಕ ಮತ್ತು ಪರಿಸರದ ಮೇಲೆ ಆಗುವಂತಹ ಪ್ರಭಾವವನ್ನು ಅಧ್ಯಯನ ನೆಡೆಸಲು ಉಬರ್ ಸೇರಿದಂತೆ ಹಲವು ಸಂಸ್ಥೆಗಳೊಂದಿಗೆ ಸಹಭಾಗಿತ್ವ ಹೊಂದಲು ಪ್ರಧಾನ ಮಂತ್ರಿ ನೇತೃತ್ವದ ಭಾರತ ನಿತಿ ಅಯೋಗ ನಿರ್ಧರಿಸಿದೆ.

ಪ್ರಸ್ತುತ, ಟ್ಯಾಕ್ಸಿ ಡ್ರೈವರ್‌ಗಳು ವಾಣಿಜ್ಯ ವಾಹನ ಪರವಾನಗಿ ಪಡೆಯಲು ಭಾರಿ ಶುಲ್ಕವನ್ನು ಪಾವತಿಸುತ್ತಿರುವ ವಿಚಾರ ನಮಗೆಲ್ಲರಿಗೂ ತಿಳಿದಿರುವಂತ ವಿಚಾರವೇ ಆಗಿದೆ.

ಪ್ರಯಾಣ ಹಂಚಿಕೆ ಸೇವೆಗಳಿಗೆ ಸಮಂಜಸವಾದ ನಿಯಂತ್ರಕ ಚೌಕಟ್ಟು ವಿಧಿಸುವ ಬಗ್ಗೆ ಅಧ್ಯಯನ ನೆಡೆಸಲು ಸರ್ಕಾರ ಈಗಾಗಲೇ ಆದೇಶ ನೀಡಿದೆ.

ಟ್ಯಾಕ್ಸಿ ನಿರ್ವಾಹಕರಿಂದ ಉಂಟಾಗುವಂತಹ ವೆಚ್ಚಗಳ ಹೊರತಾಗಿ, ಪ್ರಯಾಣಿಕರ ಸುರಕ್ಷತೆಯ ಬಗ್ಗೆಯೂ ಪ್ರಾಥಮಿಕ ಕಾಳಜಿವಹಿಸಬೇಕಾದ ಅವಶ್ಯಕತೆ ಇದ್ದು ಇದರ ಬಗ್ಗೆ ಸರ್ಕಾರ ಚಿಂತನೆ ನೆಡೆಸಿದೆ.

ಟ್ಯಾಕ್ಸಿಗಳಂತೆ ಖಾಸಗಿ ಕಾರುಗಳನ್ನು ಚಲಾಯಿಸಲು ಅನುಮತಿ ನೀಡಿದರೆ ಮುಂದಾಗುವ ಅಡ್ಡಪರಿಣಾಮಗಳಿಗೆ ಸರ್ಕಾರವೇ ಉತ್ತರಿಸಬೇಕಾದ ಕಾರಣ ಕೇಂದ್ರವು ಸೂಕ್ಷ್ಮವಾಗಿ ಈ ವಿಚಾರವನ್ನು ಕೈಗೆತ್ತಿಕೊಂಡಿದ್ದು, ಅಧ್ಯಯನ ತಂಡವು ಹೆಚ್ಚಿನ ಜವಾಬ್ದಾರಿ ಹೊತ್ತುಕೊಂಡಿದೆ ಎನ್ನಬಹುದು.

ಪ್ರಯಾಣವನ್ನು ಹಂಚಿಕೆ ಮಾಡಿಕೊಳ್ಳುವ ಹೊಸ ರೀತಿಯ ನಡೆ ದೇಶದಲ್ಲಿ ಬಹಳ ಜನಪ್ರಿಯವಾಗಿದೆ. ಪ್ರಸ್ತುತ, UberPool ಮತ್ತು OlaShare ಕಂಪನಿಗಳ ಸುಮಾರು ಅರ್ಧದಷ್ಟು ಸವಾರಿಗಳು ಈ ಕಾರ್ ಪೂಲಿಂಗ್ ಒಳಗೊಂಡಿರಲಿವೆ ಎಂದರೆ ನೀವು ನಂಬಲೇ ಬೇಕು.