4ನೇ ತಲೆಮಾರಿನ ಹೋಂಡಾ ಸಿಟಿ ಕಾರು ಮಾರಾಟದಲ್ಲಿ ಹೊಸ ಮೈಲಿಗಲ್ಲು

ಇತ್ತೀಚೆಗೆ ಪ್ರತಿ ಕಾರು ಮಾದರಿಗಳು ಉತ್ತಮ ಕಾರ್ಯ ನಿರ್ವಹಣಾ ತಂತ್ರಜ್ಞಾನದೊಂದಿಗೆ ಮಾರುಕಟ್ಟೆಗೆ ಲಗ್ಗೆಯಿಡುತ್ತಿದ್ದು, ಹೋಂಡಾ ಸಿಟಿ 4ನೇ ತೆಲೆಮಾರಿನ ಕಾರು ಮಾದರಿ ಕೂಡಾ ಮಾರಾಟ ವಿಭಾಗದಲ್ಲಿ ಹೊಸ ಸಾಧನೆ ಮಾಡಿದೆ.

2014ರ ಜನವರಿಯರಿಯಲ್ಲಿ ಬಿಡುಗಡೆಯಾಗಿದ್ದ ಹೋಂಡಾ ಸಿಟಿ 4ನೇ ತಲೆಮಾರಿನ ಕಾರು ಮಾದರಿ ಇದಾಗಿದ್ದು, ಇದುವರೆಗೆ ಭಾರತೀಯ ಮಾರುಕಟ್ಟೆಯಲ್ಲಿ 2.50 ಲಕ್ಷ ಕಾರುಗಳು ಮಾರಾಟಗೊಳಿಸಿದೆ.

2.50 ಲಕ್ಷ ಕಾರುಗಳ ಮಾರಾಟ ಕುರಿತು ಹೋಂಡಾ ಸಂಸ್ಥೆಯು ಅಧಿಕೃತ ಮಾಹಿತಿಯನ್ನು ಬಿಡುಗಡೆ ಮಾಡಿದ್ದು, ಲಕ್ಷಾಂತರ ಹೋಂಡಾ ಸಿಟಿ ಗ್ರಾಹಕರಿಗೆ ಧನ್ಯವಾದ ತಿಳಿಸಿದೆ.

4ನೇ ತಲೆಮಾರಿನ ಹೋಂಡಾ ಸಿಟಿ ಕಾರು ಮಾದರಿಗಳಲ್ಲಿ ಸುಧಾರಿತ ತಂತ್ರಜ್ಞಾನ ವ್ಯವಸ್ಥೆಯಿದ್ದು, ಐ-ಡಿಟಿಇಸಿ ಡೀಸೆಲ್ ಎಂಜಿನ್‌ನೊಂದಿಗೆ ಅಭಿವೃದ್ಧಿ ಹೊಂದಿವೆ.

ಈ ಹಿನ್ನೆಲೆ ಗ್ರಾಹಕರನ್ನು ಸೆಳೆಯುವಲ್ಲಿ ಸಫಲವಾಗಿರುವ ಹೋಂಡಾ, ಕಡಿಮೆ ಅವಧಿಯಲ್ಲಿ 2.30 ಲಕ್ಷ ಕಾರುಗಳನ್ನು ಮಾರಾಟ ಮಾಡುವಲ್ಲಿ ಯಶಸ್ವಿಯಾಗಿದೆ.

ಇದಲ್ಲದೇ ಜಾಗತಿಕವಾಗಿಯೂ ದಾಖಲೆ ಮಾರಾಟ ಮಾಡಿರುವ ಹೋಂಡಾ ಸಂಸ್ಥೆಯು, 35 ಲಕ್ಷ ಹೋಂಡಾ ಸಿಟಿ ಕಾರುಗಳನ್ನು ಮಾರಾಟ ಮಾಡಿದೆ.