ಅಪಘಾತದಲ್ಲಿ ಜಖಂಗೊಂಡ ಬಾಡಿಗೆಗಾಗಿ ತಂದಿದ್ದ ಮೆಕ್‌ಲರೇನ್ 650ಎಸ್ ಕಾರು

ಆ ಯುವಕನಿಗೆ ಸೂಪರ್ ಕಾರುಗಳನ್ನು ಓಡಿಸುವುದೆಂದರೇ ಎಲ್ಲಿಲ್ಲದ ಹುಚ್ಚು. ಹೀಗಾಗಿಯೇ ದುಬಾರಿ ಶುಲ್ಕು ತೆತ್ತು ಬಾಡಿಗೆಗಾಗಿ ಮೆಕ್‌ಲರೇನ್ 650ಎಸ್ ಕಾರ್‌ನ್ನು ತೆಗೆದುಕೊಂಡು ಬಂದಿದ್ದ. ಆದ್ರೆ ಕಾರಿನಲ್ಲಿದ್ದ ಹೊಸ ಬಗೆಯ ಚಾಲನಾ ತಂತ್ರಜ್ಞಾನಗಳನ್ನು ಅರಿಯದೇ ಅನಾಹುತಕ್ಕೆ ಕಾರಣನಾಗಿದ್ದಾನೆ.

ಅಂದಹಾಗೆ ಇದೆಲ್ಲಾ ನಡೆದಿರುವುದು ಯುಕೆನಲ್ಲಿ. ಕಾರು ಚಾಲನೆ ಮಾಡುತ್ತಿದ್ದ ಡೈಲಾನ್ ಎಂಬಾತನೇ ಇಷ್ಟೇಲ್ಲಾ ರದ್ದಾಂತಕ್ಕೆ ಕಾರಣನಾಗಿದ್ದು, ಕಾರು ಪಾರ್ಕಿಂಗ್ ಜಾಗದಲ್ಲಿ ವೇಗದ ಚಾಲನೆಗೆ ಮುಂದಾದಾಗ ನಿಯಂತ್ರಣ ತಪ್ಪಿದೆ.

Recommended Video

Ferrari GTC4Lusso And GTC4Lusso T Launched In India - DriveSpark

ನಿಯಂತ್ರಣ ತಪ್ಪಿದ ಪರಿಣಾಮ ಕಂಪೌಂಡ್‌ಗೆ ಡಿಕ್ಕಿ ಹೊಡೆದಿದ್ದು, 6 ಕೋಟಿಗೂ ಅಧಿಕ ಬೆಲೆ ಬಾಳುವ ಕಾರು ಸಂಪೂರ್ಣ ಜಖಂಗೊಂಡಿದೆ. ಆದ್ರೆ ಕಾರು ಚಾಲನೆ ಮಾಡುತ್ತಿದ್ದ ಡೈಲಾನ್‌ ಕಾರಿನಲ್ಲಿದ್ದ ಡ್ಯುಯಲ್ ಏರ್‌ಬ್ಯಾಗ್‌‌ನಿಂದಾಗಿ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ.

ಸದ್ಯ ಮೆಕ್‌ಲರೇನ್ 650ಎಸ್ ಕಾರು ಗುಜುರಿಗೆ ಸೇರಿದ್ದು, ಮತ್ತೆ ಹೊಸತನ ಪಡೆಯಲು 2 ರಿಂದ 3 ಕೋಟಿಗೂ ಅಧಿಕ ಖರ್ಚು ಮಾಡಲೇಬೇಕಿದೆ ಎಂದರೇ ನಂಬಲೇಬೇಕು. ಯಾಕೇಂದ್ರೆ ಸೂಪರ್ ಕಾರುಗಳ ಬಿಡಿಭಾಗಗಳ ಖರೀದಿ ಅಷ್ಟು ಸುಲಭವಲ್ಲ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಸೂಪರ್ ಕಾರುಗಳ ಚಾಲನೆ ಮಾಡುವುದು ಅಂದ್ರೆ ಪ್ರತಿಯೊಬ್ಬರಿಗೂ ಎಲ್ಲಿಲ್ಲದ ಕ್ರೇಜ್. ಆದ್ರೆ ಕಾರು ಚಾಲನೆಗೂ ಮುನ್ನ ಹೊಸ ಕಾರುಗಳಲ್ಲಿ ಒದಗಿಸಲಾಗಿರುವ ವಿವಿಧ ತಂತ್ರಜ್ಞಾನಗಳ ಬಗ್ಗೆ ಕುಲಂಕೂಶವಾಗಿ ತಿಳಿಯುವುದು ಒಳಿತು. ಇಲ್ಲವಾದ್ರೆ ಇಂತಹ ಅನಾಹುತಕ್ಕೆ ಕಾರಣವಾಗಬಹುದು.