ಆಟೋ ಎಕ್ಸ್‌ಪೋ 2018: ಪ್ರದರ್ಶನಗೊಂಡ ಟಾಟಾದ ಹೊಸ ಎಸ್‌ಯುವಿ ಕಾರು

ಟಾಟಾ ಸಂಸ್ಥೆಯು ಎರಡು ಮಾದರಿಯ 'ಏರೊ' ಸ್ಟೈಲಿಂಗ್ ಮತ್ತು 'ಆಕ್ಟಿವ್' ಸ್ಟೈಲಿಂಗ್ ಕಿಟ್ ರೂಪದಲ್ಲಿ ನೆಕ್ಸಾನ್ ಕಾರನ್ನು ಪ್ರದ್ರರ್ಶನಗೊಳಿಸಲಾಗಿದ್ದು, ನೆಕ್ಸಾನ್ 'ಏರೊ' ಕಾರು ಸೈಡ್ ಸ್ಕರ್ಟ್ಸ್, ವಾಹನದ ಮುಂದೆ ಹಾಗು ಹಿಂದೆ ಬಂಪರ್, ರೆಡ್ ಆಸ್ಸೆಂಟ್ಸ್, ಲಿಕ್ವಿಡ್ ಸಿಲ್ವರ್ ಬಣ್ಣ ಮತ್ತು ಪಿಯಾನೊ ಬ್ಲಾಕ್ ಫಿನಿಶ್ ರೂಫ್ ಕಾಂಬಿನೇಶನ್ ಅನ್ನು ಹೊಂದಿದೆ.

ಟಾಟಾ ನೆಕ್ಸಾನ್ ಏರೊ ಕಾರಿನ ಒಳಗೆ ಮತ್ತು ಮಧ್ಯದಲ್ಲಿ ಗ್ಲೋಸಿ ಪ್ಲಾಸ್ಟಿಕ್ಸ್, ಸ್ಟೀರಿಂಗ್ ವೀಲ್ ಮತ್ತು ಡ್ಯಾಶ್ ಬೋರ್ಡ್ ಅನ್ನು ಹೊಂದಿದ್ದು, ನೆಕ್ಸಾನ್ ಆಕ್ಟಿವ್ ಪ್ಯಾಕೇಜ್ ಏರೊಗಿಂತ ವಿಭಿನ್ನವಾದ ರೂಪವನ್ನು ಹೊಂದಿರಲಿದೆ.

ಈ ಎರಡು ಪ್ಯಾಕೇಜ್ ಗಳ ಹೊರತಾಗಿ, ಟಾಟಾ ತಮ್ಮ ರೆಗ್ಯುಲರ್ ನೆಕ್ಸಾನ್ ಕಾರುಗಳಿಂತ ಹೊಸ ಕಾರುಗಳನ್ನು ವಿಭಿನ್ನವಾಗಿ ರಚನೆ ಮಾಡಿದ್ದು, ಕಾರಿನ ಕಾನ್ಫಿಗ್ರೆಟರ್ ಅನ್ನು ಒದಗಿಸುತ್ತಿದೆ.

ನೆಕ್ಸಾನ್ ಏರೊ ಕಾರು ಪೆಟೋಲ್ ಹಾಗು ಡೀಸೆಲ್ ಆವೃತ್ತಿಗಳಲ್ಲಿ ಲಭ್ಯವಿರಲಿದ್ದು, ಪೆಟ್ರೋಲ್ ಆವೃತ್ತಿಯು 1.2 ಲೀಟರಿನ ಟರ್ಬೋಚಾರ್ಜ್ಡ್ ಎಂಜಿನ್ 108.5 ಬಿಹೆಚ್ ಪಿ ಮತ್ತು 170ಎನ್ಎಂ ಟಾರ್ಕನ್ನು ಉತ್ಪಾದಿಸುತ್ತದೆ.

ಹಾಗೆಯೆ ಡೀಸೆಲ್ ಆವೃತ್ತಿಯು 1.5 ಲೀಟರ್ ಎಂಜಿನ್ ಹೊಂದಿದ್ದು, 108.5 ಬಿಹೆಚ್ ಪಿ, 260 ಎನ್ಎಂ ಟಾರ್ಕನ್ನು ಉತ್ಪಾದಿಸುವ ಶಕ್ತಿಯನ್ನು ಹೊದಿದೆ. ಎರಡೂ ಯೂನಿಟ್ ಗಳು 6 ಸ್ಪೀಡ್ ಗೇರ್ ಬಾಕ್ಸಿಗೆ ಜೋಡಿಸಲಾಗಿದೆ.

ನೆಕ್ಸಾನ್ ಏರೊ ಕಾರಿನ ಬೆಲೆಯನ್ನು ಬಿಡುಗಡೆಗೊಳಿಸಲಿಲ್ಲವಾದರೂ ರೆಗ್ಯುಲರ್ ಆವೃತ್ತಿಗಿಂತಲೂ ಅಂದಾಜು 30,000 ರೂ ಅಧಿಕವಾಗಿರಲಿವೆ ಎನ್ನಲಾಗಿದ್ದು, ಕಾರನ್ನು 2018ರ ದ್ವಿತಿಯ ತ್ರೈಮಾಸಿಕ ಅವಧಿಯಲ್ಲಿ ಬಿಡುಗಡೆಗೊಳಿಸಲು ಸಂಸ್ಥೆ ಯೋಚಿಸುತ್ತಿದೆ.