ಇದು ಮುಖೇಶ್ ಅಂಬಾನಿ ಬಳಿಯಿರುವ ಅತಿ ದುಬಾರಿ ಕಾರು..!

ಮುಖೇಶ್ ಅಂಬಾನಿಯವರ ಬಳಿ ಹಲವಾರು ದುಬಾರಿ ಮತ್ತು ಐಷಾರಾಮಿ ಕಾರುಗಳ ಸಂಗ್ರಹವಿದೆ. ಇದರಲಿ ಮರ್ಸಿಡಿಸ್ ಬೆಂಝ್ ಎಸ್ ಗಾರ್ಡ್, ರೋಲ್ಸ್ ರಾಯ್ಸ್ ಫಾಂಟಮ್ ಡ್ರಾಪ್ ಹೆಡ್ ಕೂಪೆ, ಬಿ‍ಎಂ‍‍ಡಬ್ಲ್ಯು 7 ಸೀರಿಸ್ ಹೈ ಸೆಕ್ಯೂರಿಟಿ, ರೋಲ್ಸ್ ರಾಯ್ಸ್ ಕಲಿನನ್, ಬೆಂಟ್ಲಿ ಬೆಂಟಾಯ್ಗ ಮತ್ತು ಲ್ಯಾಂಬೊರ್ಗಿನಿ ಉರುಸ್ ಸೇರಿದಂತೆ ಇನ್ನಿತರ ಐಷಾರಾಮಿ ಕಾರುಗಳು ಮತ್ತು ಸ್ಪೋರ್ಟ್ಸ್ ಕಾರುಗಳು ಸೇರಿವೆ.

ಇತ್ತೀಚಿಗೆ ಮುಂಬೈ ನಗರದಲ್ಲಿ ಅತಿ ದುಬಾರಿ ಕಾರು ಆದ ರೋಲ್ಸ್ ರಾಯ್ಸ್ ಫಾಂಟಮ್ 8 ಸೀರಿಸ್ ಎಕ್ಸ್ ಡಂಡ್ ವ್ಹೀಲ್ ಬೇಸ್(ಇಡಬ್ಲ್ಯುಬಿ) ಪ್ರಯಾಣಿಸುವಾಗ ಕ್ಯಾಮರಾ ಕಣ್ಣಿಗೆ ಬಿದ್ದಿದೆ. ಈ ಕಾರನ್ನು ಕಳೆದ ವರ್ಷ ಆಕಾಶ್ ಅಂಬಾನಿ ಅವರ ವಿವಾಹದ ಸಂದರ್ಭದಲ್ಲಿ ಖರೀದಿಸಲಾಗಿದೆ ಎಂದು ವರದಿಗಳಾಗಿವೆ.

ರೋಲ್ಸ್ ರಾಯ್ಸ್ ಫಾಂಟಮ್ 8 ಸೀರಿಸ್ ಎಕ್ಸ್ ಡಂಡ್ ವ್ಹೀಲ್ ಬೇಸ್(ಇಡಬ್ಲ್ಯುಬಿ) ಕಾರಿನ ಅನ್ ರೋಡ್ ಬೆಲೆಯು ರೂ.13.5 ಕೋಟಿಗಳಾಗಿದೆ. ಈ ಕಾರು ಕಸ್ಟಮೈಸ್ ಮಾಡಲಾದ ಮಾದರಿಯಾಗಿದೆ. ಈ ಕಾರು ಮುಖೇಶ್ ಅಂಬಾನಿ ಬಳಿ ಇರುವ ಅತ್ಯಂತ ದುಬಾರಿ ಕಾರು ಆಗಿದೆ.

ರೋಲ್ಸ್ ರಾಯ್ಸ್ ಫಾಂಟಮ್ 8 ಸೀರಿಸ್ ಎಕ್ಸ್ ಟೆಂಟೆಡ್ ವ್ಹೀಲ್ ಬೇಸ್(ಇಡಬ್ಲ್ಯುಬಿ) ಕಾರು ವಿಶ್ವದಲ್ಲಿರುವ ದುಬಾರಿ ಕಾರುಗಳಲ್ಲಿ ಒಂದಾಗಿದೆ. ಈ ಕಾರಿನಲ್ಲಿ ಅತ್ಯಾಧುನಿಕ ಫೀಚರ್ಸ್‍‍ಗಳನ್ನು ಅಳವಡಿಸಲಾಗಿದೆ.

ಹೊಸ ರೋಲ್ಸ್ ರಾಯ್ಸ್ ಫ್ಯಾಂಟಮ್ ಕಾರು ಹೊಸ ಅಲ್ಯೂಮಿನಿಯಂ ಸ್ಪೇಸ್‍ಫ್ರೇಮ್ ಪ್ಲಾಟ್‍‍ಫಾರ್ಮ್ ಅನ್ನು ಆಧರಿಸಿದೆ. ಹಿಂದಿನ ಮಾದರಿಗೆ ಹೋಲಿಸಿದರೆ ಶೇ.30ರಷ್ಟು ಹೆಚ್ಚಿನ ತೂಕವನ್ನು ಹೊಂದಿದೆ. ಹಿಂದಿನ ಮಾದರಿಗಿಂತ 8 ಎಂಎಂ ಉದ್ದ ಮತ್ತು 29 ಎಂಎಂ ಹೆಚ್ಚು ಅಗಲವನ್ನು ಹೊಂದಿದೆ.

ರೋಲ್ಸ್ ರಾಯ್ಸ್ ಫ್ಯಾಂಟರ್ಮ್ ದೊಡ್ಡದಾದ 24 ಸ್ಲ್ಯಾಟ್ ಕ್ರೋಮ್ ಗ್ರಿಲ್, ಹೊಸ ಎಲ್‍ಇಡಿ ಪ್ರೊಜೆಕ್ಟರ್ ಹೆಡ್‍‍ಲ್ಯಾಂಪ್‍ಗಳನ್ನು ಹೊಂದಿದೆ. ಇದರ ಜೊತೆಯಲ್ಲಿ ಎಲ್ಇಡಿ ಡಿ‍ಆರ್‍ಎಲ್ ಮತ್ತು ಎಲ್‍‍ಇಡಿ ಟೇಲ್ ಲ್ಯಾಂಪ್‍‍ಗಳನ್ನು ಒಳಗೊಂಡಿದೆ.

ಈ ಕಾರು ಡ್ಯುಯಲ್ ಟೋನ್ ಬಣ್ಣಗಳನ್ನು ಹೊಂದಿದೆ. ಇದಲ್ಲದೆ ಪ್ರತಿ ವಿಂಡೋದಲ್ಲಿ 6 ಎಂಎಂ ಡಬಲ್ ಲೇಯರ್ಡ್ ಸೌಂಡ್ ಪ್ರೂಫ್ ಅನ್ನು ಅಳವಡಿಸಲಾಗಿದೆ. ಹೊಸ ರೋಲ್ಸ್ ರಾಯ್ಸ್ 8 ಸೀರಿಸ್ ಇಡಬ್ಲ್ಯೂಬಿ ಕಾರು 6.975 ಲೀಟರ್ ಟ್ವಿನ್ ಟರ್ಬೋಚಾರ್ಜ್ಡ್ ವಿ12 ಎಂಜಿನ್ ಅನ್ನು ಹೊಂದಿದೆ.

ಈ ಎಂಜಿನ್ 563 ಬಿ‍‍ಹೆಚ್‍‍ಪಿ ಪವರ್ ಮತ್ತು 900 ಎನ್‍ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಎಂಜಿನ್‍‍ನೊಂದಿಗೆ 8 ಸ್ಪೀಡ್ ಗೇರ್‍‍ಬಾಕ್ಸ್ ಅನ್ನು ಅಳವಡಿಸಲಾಗಿದೆ. ಈ ಕಾರು ಕೇವಲ 5.4 ಸೆಕೆಂಡುಗಳಲ್ಲಿ ಬರೊಬ್ಬರಿ 100 ಕಿ.ಮೀ ಆಕ್ಸೆಲೆರೇಟ್ ಮಾಡುತ್ತದೆ.

ಭಾರತದಲ್ಲಿ ರೋಲ್ಸ್ ರಾಯ್ಸ್ ಬ್ರ್ಯಾಂಡ್ ಸಾಕಷ್ಟು ಜನಪ್ರಿಯತೆಯನ್ನು ಗಳಿಸಿದೆ. ಹೊಸ ರೋಲ್ಸ್ ರಾಯ್ಸ್ 8 ಸೀರಿಸ್ ಇಡಬ್ಲ್ಯೂಬಿ ಕಾರಿಗೆ 4 ವರ್ಷದ ಸರ್ವಿಸ್ ಮತ್ತು ಪ್ರಾದೇಶಿಕ ವಾರಂಟಿ ಪ್ಯಾಕೇಜ್ ಅನ್ನು ನೀಡಲಾಗುತ್ತದೆ. ಈ ಕಾರು ವಿಶ್ವದ ದುಬಾರಿ ಕಾರುಗಳಲ್ಲಿ ಒಂದಾಗಿದೆ.