ಫೋಕ್ಸ್‌ವ್ಯಾಗನ್ ಬಸ್ ರೀತಿಯಲ್ಲಿ ಮಾಡಿಫೈಗೊಂಡ ಮೆಟಡಾರ್ ವ್ಯಾನ್

ಫೋರ್ಸ್ ಮೋಟಾರ್ಸ್ ಕಂಪನಿಯ ಟ್ರಾವೆಲರ್ ವ್ಯಾನ್‌ಗಳು ಹೆಚ್ಚು ಜನಪ್ರಿಯವಾಗಿವೆ. ಟ್ರಾವೆಲರ್ ಬರುವ ಮುನ್ನ ಫೋರ್ಸ್ ಕಂಪನಿಯ ಮೆಟಡಾರ್ ವ್ಯಾನ್‌ಗಳು ಭಾರೀ ಜನಪ್ರಿಯತೆಯನ್ನು ಹೊಂದಿದ್ದವು. ಈ ವ್ಯಾನ್‌ಗಳನ್ನು ವಾಣಿಜ್ಯ ಬಳಕೆಗಾಗಿ ಮಾತ್ರವಲ್ಲದೆ ವೈಯಕ್ತಿಕ ಬಳಕೆಗಾಗಿಯೂ ಖರೀದಿಸಲಾಗುತ್ತಿತ್ತು.

ಈಗ ಮೆಟಡಾರ್ ವ್ಯಾನ್‌ಗಳ ಮಾರಾಟವನ್ನು ಸ್ಥಗಿತಗೊಳಿಸಲಾಗಿದೆ. ಆದರೂ ಭಾರತದ ರಸ್ತೆಗಳಲ್ಲಿ ಈ ವ್ಯಾನ್‌ಗಳನ್ನು ಈಗಲೂ ಕಾಣಬಹುದು. ಹಳೆಯ ಮೆಟಡಾರ್ ವ್ಯಾನ್ ಒಂದನ್ನು ಆಕರ್ಷಕವಾಗಿ ಮಾಡಿಫೈಗೊಳಿಸಲಾಗಿದೆ.

ಈ ಮಾಡಿಫಿಕೇಶನ್'ಗೆ ಸಂಬಂಧಿಸಿದ ವೀಡಿಯೊವನ್ನು ದಜೀಶ್ ಪಿ ಎಂಬ ಯೂಟ್ಯೂಬ್ ಚಾನೆಲ್'ನಲ್ಲಿ ಅಪ್ ಲೋಡ್ ಮಾಡಲಾಗಿದೆ. ಈ ವೀಡಿಯೊದಲ್ಲಿ ಈ ವ್ಯಾನ್‌ನಲ್ಲಿ ಮಾಡಲಾಗಿರುವ ಬದಲಾವಣೆಗಳನ್ನು ವಿವರವಾಗಿ ತೋರಿಸಲಾಗಿದೆ.

ಈ ವೀಡಿಯೊದಲ್ಲಿ ಮಾತಾನಾಡಿರುವ ವ್ಯಾನ್‌ ಮಾಲೀಕರು ಕಾರುಗಳ ಬಗ್ಗೆ ತಮಗಿರುವ ಕ್ರೇಜ್ ಬಗ್ಗೆ ತಿಳಿಸಿದ್ದಾರೆ. ತಮ್ಮ ಬಳಿ ಹಿಂದೂಸ್ತಾನ್ ಅಂಬಾಸಿಡರ್ ಹಾಗೂ ಈ ಮೆಟಡಾರ್ ವ್ಯಾನ್ ಇದ್ದು, ಹಳೆಯ ಕ್ಲಾಸಿಕ್ ಕಾರುಗಳಲ್ಲಿ ಒಂದಾದ ಕಾಂಟೆಸ್ಸಾ ಕಾರನ್ನು ಖರೀದಿಸಲು ಬಯಸಿರುವುದಾಗಿ ತಿಳಿಸಿದ್ದಾರೆ.

ಅವರು ಈ ವ್ಯಾನ್ ಅನ್ನು ಆಂಧ್ರಪ್ರದೇಶದಲ್ಲಿ ಖರೀದಿಸಿದರು. ಈ ವ್ಯಾನ್ ಖರೀದಿಸಿದಾಗ ಹದಗೆಟ್ಟ ಸ್ಥಿತಿಯಲ್ಲಿತ್ತು. ಯೂಟ್ಯೂಬ್'ನಲ್ಲಿ ವ್ಯಕ್ತಿಯೊಬ್ಬರ ಬಳಿ ವ್ಯಾನ್ ನೋಡಿ ಅವರು ಸಹ ಈ ವ್ಯಾನ್ ಖರೀದಿಸಿದ್ದಾರೆ.

ನೀಲಿ ಬಣ್ಣವನ್ನು ಹೊಂದಿದ್ದ ಈ ವ್ಯಾನ್‌ನ ಹೊರಭಾಗಕ್ಕೆ ಈಗ ಆರೇಂಜ್ ಹಾಗೂ ವೈಟ್ ಡ್ಯುಯಲ್ ಕಲರ್ ಪೇಂಟ್ ನೀಡಲಾಗಿದೆ. ಈ ವ್ಯಾನ್ ನೋಡಿದ ತಕ್ಷಣ ಈ ಹಿಂದೆ ಮಾರಾಟವಾಗುತ್ತಿದ್ದ ಫೋಕ್ಸ್‌ವ್ಯಾಗನ್ ಬಸ್ ನೆನಪಾಗುತ್ತದೆ.

ಈ ವ್ಯಾನ್‌ನಲ್ಲಿದ್ದ ಹೆಡ್‌ಲೈಟ್‌ಗಳು ಸ್ವಲ್ಪ ಮಂಕಾಗಿದ್ದವು. ಇವುಗಳ ಬದಲು ಈಗ ಆಕ್ಸಿಲರಿ ಲೈಟ್'ಗಳನ್ನು ಅಳವಡಿಸಲಾಗಿದೆ. ಹಿಂಭಾಗದಲ್ಲಿ ಮಹೀಂದ್ರಾ ಜೀತೊದಲ್ಲಿರುವಂತಹ ಟೇಲ್‌ಲೈಟ್‌ಗಳನ್ನು ಅಳವಡಿಸಲಾಗಿದೆ.

ಹೊಸ ಬಣ್ಣಗಳನ್ನು ಹೊರತುಪಡಿಸಿ ಈ ವಾಹನದ ಹೊರಭಾಗದಲ್ಲಿ ಯಾವುದೇ ಪ್ರಮುಖ ಬದಲಾವಣೆಗಳನ್ನು ಮಾಡಲಾಗಿಲ್ಲ. ಮುಂಭಾಗದಲ್ಲಿರುವ ಡೋರುಗಳಲ್ಲಿ ಅಗಲವಾದ ವಿಂಡೋಗಳನ್ನು ನೀಡಲಾಗಿದೆ.

ಈ ವ್ಯಾನ್ ಒಳಗೆ ಫೋರ್ಸ್ ಟ್ರಾವೆಲರ್'ನಲ್ಲಿರುವಂತಹ ಸೀಟುಗಳನ್ನು ಅಳವಡಿಸಲಾಗಿದೆ. ಎಸಿ ಬದಲು ಈ ವ್ಯಾನ್‌ನ ಕ್ಯಾಬಿನ್‌ನಲ್ಲಿ ಕೆಲವು ಫ್ಯಾನ್'ಗಳನ್ನು ಅಳವಡಿಸಲಾಗಿದೆ. ಹೆಚ್ಚುವರಿ ಗಾಳಿಗಾಗಿ ರೂಫ್ ಮೇಲೆ ಎರಡು ಸ್ಥಳಗಳಲ್ಲಿ ಸರ್ಕ್ಯುಲರ್ ಶೇಪಿನಲ್ಲಿ ಕತ್ತರಿಸಲಾಗಿದೆ.

ಚಿತ್ರ ಕೃಪೆ: ದಜೀಶ್ ಪಿ

ಈ ಆಧುನಿಕ ವ್ಯಾನ್‌ನಲ್ಲಿ ಟಿವಿ, ಮ್ಯೂಸಿಕ್ ಸಿಸ್ಟಂ, ಇಂಡಕ್ಷನ್ ಕುಕ್ಕರ್'ಗಳನ್ನು ನೀಡಲಾಗಿದೆ. ಇವುಗಳಿಗೆ ಪವರ್ ನೀಡಲು ವ್ಯಾನ್ ರೂಫ್ ಮೇಲೆ ಸೋಲಾರ್ ಪ್ಯಾನೆಲ್'ಗಳನ್ನು ಅಳವಡಿಸಲಾಗಿದೆ.