ದಟ್ಸನ್ ಗೊ ಸಣ್ಣ ಕಾರು ಕಣ್ತುಂಬ ನೋಡಿಕೊಳ್ಳಿರಿ

ದಟ್ಸನ್ ದೂರದೃಷ್ಟಿಯಂತೆ ಗೊ ಸಣ್ಣ ಹ್ಯಾಚ್‌ಬ್ಯಾಕ್ ಕಾರು ಈಗಾಗಲೇ ಯಶಸ್ವಿ ಪರೀಕ್ಷೆ ಹಂತದಲ್ಲಿದ್ದು, ತನ್ನ ನಿಕಟ ಪ್ರತಿಸ್ಪರ್ಧಿಗಳಿಗೆ ಸ್ಪಷ್ಟ ಸಂದೇಶವನ್ನು ರವಾನಿಸಿದೆ.

ಅಷ್ಟಕ್ಕೂ ಸ್ಮರ್ಧಾತ್ಮಕ ದರಗಳಲ್ಲಿ ಆಗಮಿಸಿದರೆ ಮಾತ್ರ ಭಾರತ ಮಾರುಕಟ್ಟೆಯಲ್ಲಿ ಯಶಸ್ಸು ಗಳಿಸಲು ಸಾಧ್ಯ ಎಂಬುದನ್ನು ದಟ್ಸನ್ ಚೆನ್ನಾಗಿ ಅರಿತಿದೆ. ಇದರತ್ತ ಗೊ ಕಣ್ಣಾಯಿಸುವುದು ಒಳಿತು.

ಫೋಟೊ ಕೃಪೆ: ಟೀಮ್ ಬಿಎಚ್‌ಪಿ

ಈ ಎಲ್ಲ ವಿಷಯಗಳು ಒಂದೆಡೆಯಾದರೆ ಆಲ್ಟೊ ಮಗುಚಿ ಹಾಕುವುದು ಅಷ್ಟು ಸುಲಭದ ಕೆಲಸವಲ್ಲ. ಯಾಕೆಂದರೆ ಆಲ್ಟೊ ಈಗಾಗಲೇ ಜನಸಾಮಾನ್ಯರ ಕಾರು ಎಂಬ ಮನ್ನಣೆಗೆ ಪಾತ್ರವಾಗಿದೆ. ಈ ಬಿರುದನ್ನು ಅಳಿಸಿ ಹಾಕುವುದು ಸ್ವಲ್ಪ ಕಠಿಣ ಸಂಗತಿ.

ಫೋಟೊ ಕೃಪೆ: ಟೀಮ್ ಬಿಎಚ್‌ಪಿ

ಅಂದ ಹಾಗೆ ಮುಂದಿನ ವರ್ಷ ನಡೆಯಲಿರುವ ದೆಹಲಿ ಆಟೋ ಎಕ್ಸ್‌ಪೋದಲ್ಲಿ ದಟ್ಸನ್ ಗೊ ಭರ್ಜರಿ ಎಂಟ್ರಿ ಕೊಡಲಿದೆ. ಇದು ಚೆನ್ನೈನ ಓರಗಡಂ ಘಟಕದಲ್ಲಿ ಉತ್ಪಾದನೆಯಾಗಲಿದೆ.

ನಿಸ್ಸಾನ್ ಮೈಕ್ರಾಗಿಂತ ಕೆಳಗಡೆ ಬಿ ಸೆಗ್ಮೆಂಟ್‌ನಲ್ಲಿ ಗುರುತಿಸಿಕೊಳ್ಳಲಿರುವ ದಟ್ಸನ್ ಗೊ, ಪ್ರಾರಂಭಿಕ ದರ 3.5 ಲಕ್ಷ ರು.ಗಳ ಅಸುಪಾಸಿನಲ್ಲಿರಲಿದೆ.

ಇನ್ನು ಬೆಲೆ ಕಡಿಮೆ ಮಾಡುವ ನಿಟ್ಟಿನಲ್ಲಿ ದಟ್ಸನ್ ಗೊ, ನಿಸ್ಸಾನ್ ಮೈಕ್ರಾ ಜತೆ ಫ್ಲ್ಯಾಟ್‌ಫಾರ್ಮ್ ಹಂಚಿಕೊಂಡಿದೆ. ಅಂದರೆ ಮೈಕ್ರಾದಲ್ಲಿರುವದಕ್ಕೆ ಸಮಾನವಾದ 1.2 ಲೀಟರ್ 3 ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಹೊಂದಿರಲಿದೆ. ಹಾಗೆಯೇ 2450 ಎಂಎಂ ವೀಲ್ ಬೇಸ್ ಪಡೆದುಕೊಳ್ಳಲಿದೆ.

ಹಾಗಿದ್ದರೆ ದಟ್ಸನ್ ಗೊ ಮಾರಾಟ ಪ್ರಕ್ರಿಯೆ ಹೇಗೆ ನಡೆಯಲಿದೆ ಎಂಬ ಆಂತಕವಿದೆಯೇ? ಅದಕ್ಕೂ ಮಾರ್ಗವಿದೆ. ಮೇಲೆ ಸೂಚಿಸಿದ ರೀತಿಯಲ್ಲಿಯೇ ನಿಸ್ಸಾನ್ ಡೀಲರ್‌ಶಿಪ್ ಮೂಲಕ ದಟ್ಸನ್ ಗೊ ಮಾರಾಟ ನಡೆಯಲಿದೆ.

ರೆನೊ-ನಿಸ್ಸಾನ್ ಘಟಕದ ಮುಖಾಂತರ ಪ್ರಾರಂಭದಲ್ಲಿ ವರ್ಷಂಪ್ರತಿ 10,000 ಯುನಿಟ್ ಉತ್ಪಾದಿಸುವುದು ದಟ್ಸನ್ ಗುರಿಯಾಗಿದೆ.

ಅಂದ ಹಾಗೆ ಇತ್ತೀಚೆಗಷ್ಟೇ ಇಂಡೋನೇಷ್ಯಾದಲ್ಲಿ ನಡೆದ ಅಂತರಾಷ್ಟ್ರೀಯ ಮೋಟಾರ್ ಶೋದಲ್ಲಿ (ಐಐಎಂಎಸ್) ಗೊ ಪ್ಲಸ್ ಹ್ಯಾಚ್‌ಬ್ಯಾಕ್ ಕಾರನ್ನು ನಿಸ್ಸಾನ್ ಅನಾವರಣಗೊಳಿಸತ್ತು. ಈ ಎಂಪಿವಿ ಕಾರು ಗೊ ಬೆನ್ನಲ್ಲೇ ಭಾರತಕ್ಕೆ ಎಂಟ್ರಿ ಕೊಡಲಿದೆ.

ಈ ನಡುವೆ 2015ನೇ ಇಸವಿಯಲ್ಲಿ ಆಲ್ಟೊ ಹಾಗೂ ಹ್ಯುಂಡೈ ಇಯಾನ್‌ಗೆ ನೇರ ಪ್ರತಿಸ್ಪರ್ಧಿಯೊಂದು ಸಿದ್ಧಗೊಳ್ಳಲಿದೆ. ರೆನೊ ಎ ಎಂಟ್ರಿ ಜತೆ ಫ್ಲ್ಯಾಟ್‌ಫಾರ್ಮ್ ಹಂಚಿಕೊಂಡಿರುವ ನೂತನ ಸಣ್ಣ ಕಾರಿನ ಅಭಿವೃದ್ಧಿಯಲ್ಲಿ ತೊಡಗಿದೆ.