ಇದುವೇ 2013 ಸಾಲಿನ ಶ್ರೇಷ್ಠ ಡೀಸೆಲ್ ಕಾರುಗಳು

Updated: Tuesday, May 14, 2013, 16:46 [IST]

ದೇಶದಲ್ಲಿ ಪೆಟ್ರೋಲ್ ಆವೃತ್ತಿಗೆ ಹೋಲಿಸಿದರೆ ಡೀಸೆಲ್ ಕಾರುಗಳ ಬೇಡಿಕೆ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇವೆ. ದರ ಸ್ವಲ್ಪ ದುಬಾರಿಯಾದರೂ ಗರಿಷ್ಠ ಮೈಲೇಜ್, ನಿರ್ವಹಣೆ ಹಾಗೂ ದೀರ್ಘ ಬಾಳ್ವಿಕೆ ಡೀಸೆಲ್ ಕಾರುಗಳ ಪ್ರಮುಖ ವೈಶಿಷ್ಟ್ಯಗಳಾಗಿವೆ.

ಇದೇ ಕಾರಣಕ್ಕಾಗಿ ವಾಹನ ತಯಾರಕ ಕಂಪನಿಗಳು ಸಹ ಡೀಸೆಲ್ ಕಾರುಗಳನ್ನು ಹೆಚ್ಚೆಚ್ಚು ಉತ್ಪಾದಿಸುವುದರಲ್ಲಿ ಗಮನ ಕೇಂದ್ರಿತವಾಗಿದೆ. ಅದೇ ಹೊತ್ತಿಗೆ ಲಂಡನ್‌ನ ಯುಕೆ ಡೀಸೆಲ್ ಕಾರು ಮ್ಯಾಗಜಿನ್ ಪ್ರಸಕ್ತ ಸಾಲಿನ ಡೀಸೆಲ್ ಕಾರುಗಳ ಪಟ್ಟಿಯನ್ನು ಬಿಡುಗಡೆಗೊಳಿಸಿದೆ.

25ನೇ ವಾರ್ಷಿಕೋತ್ಸವ ಅಂಗವಾಗಿ ಈ ಪಟ್ಟಿಯನ್ನು ಬಿಡುಗಡೆಗೊಳಿಸಿದ್ದು, ಇದರಲ್ಲಿ 10 ಅದ್ಭುತ ಡೀಸೆಲ್ ಸೆಗ್ಮೆಂಟ್ ಕಾರುಗಳು ಸೇರಿಕೊಂಡಿದೆ. ಹ್ಯಾಚ್‌ಬ್ಯಾಕ್, ಸೆಡಾನ್, ಕ್ರಾಸೋವರ್ ಎಲ್ಲವೂ ಇದರಲ್ಲಿದೆ. ಈ ಪೈಕಿ ಫೋಕ್ಸ್‌ವ್ಯಾಗನ್ ಗಾಲ್ಫ್, 2013ನೇ ಸಾಲಿನ ಶ್ರೇಷ್ಠ ಡೀಸೆಲ್ ಕಾರು ಜತೆಗೆ ಅತ್ಯುತ್ತಮ ಮಧ್ಯಮ ಕಾರೆಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಅದೇ ಹೊತ್ತಿಗೆ ರೆನೊ ಜೋ ಅತ್ಯುತ್ತಮ ಇಕೊ ಕಾರು ಎನಿಸಿಕೊಂಡಿದೆ.

ಇದಲ್ಲದೆ ಫೋರ್ ವೀಲ್ ಡ್ರೈವ್ ಸೆಗ್ಮೆಂಟ್‌ನಲ್ಲಿ ಲ್ಯಾಂಡ್ ರೋವರ್ ಡಿಸ್ಕವರಿ 4 ಹಾಗೂ ಬೆಸ್ಟ್ ಕ್ರಾಸೋವರ್ ಪ್ರಶಸ್ತಿಗೆ ರೇಂಜ್ ರೋವರ್ ಆಯ್ಕೆಯಾಗಿದೆ. ಒಟ್ಟಾರೆಯಾಗಿ 26 ಆಕರ್ಷಕ ಡೀಸೆಲ್ ಕಾರುಗಳು ಪ್ರಶಸ್ತಿ ರೇಸ್‌ನಲ್ಲಿದ್ದವು. ಹಾಗಿದ್ದರೆ ಬನ್ನಿ ವಿಜೇತರ ಪಟ್ಟಿಯನ್ನು ಫೋಟೊ ಫೀಚರ್ ಮೂಲಕ ನೋಡೋಣ ಬನ್ನಿ...