ನ್ಯಾನೋ ಈಸ್ ಬ್ಯಾಕ್; ಜೆನ್ ಎಕ್ಸ್ ನ್ಯಾನೋಗೆ ಭಾರಿ ಬೇಡಿಕೆ

ಸಂಸ್ಥೆಯಿಂದ ಲಭ್ಯವಾಗಿರುವ ಮಾಹಿತಿಗಳ 2015 ಮೇ 19ರಂದು ಬಿಡುಗಡೆಯಾಗಿರುವ ಜೆನ್ ಎಕ್ಸ್ ನ್ಯಾನೋ ಮಾದರಿಗೆ ಈಗಾಗಲೇ ಒಂದು ತಿಂಗಳ ಅವಧಿಯಲ್ಲಿ 3,000ದಷ್ಟು ಬುಕ್ಕಿಂಗ್ ದಾಖಲಾಗಿವೆ. ಈ ಪೈಕಿ 1,000ದಷ್ಟು ಯುನಿಟ್ ಗಳನ್ನು ಗ್ರಾಹಕರಿಗೆ ಹಸ್ತಾಂತರಿಸಲಾಗಿದೆ.

ಎಎಂಟಿ ನ್ಯಾನೋ ಬಯಸುವವರು ಆರು ವಾರಗಳಷ್ಟು ಕಾಲ ಕಾಯಬೇಕಾಗಿದೆ. ಮ್ಯಾನುವಲ್ ವೆರಿಯಂಟ್ ಕಾಯುವಿಕೆ ಅವಧಿ ಎರಡು ವಾರಗಳಷ್ಟಿದೆ. ಎಎಂಟಿ ಕಿಟ್ ಆಮದು ಪ್ರಕ್ರಿಯೆ ವಿಳಂಬವಾಗುತ್ತಿರುವುದೇ ಕಾಯುವಿಕೆ ಅವಧಿ ವಿಸ್ತರಣೆಗೆ ಕಾರಣವಾಗಿದೆ.

ಒಟ್ಟು ಬುಕ್ಕಿಂಗ್ ಗಳನ್ನು ಪರಿಗಣಿಸಿದಾಗ ಶೇಕಡಾ 70ರಷ್ಟು ಮಂದಿ ಜೆನ್ ಎಕ್ಸ್ ನ್ಯಾನೋದ ಎಎಂಟಿ ವೆರಿಯಂಟನ್ನು ಆರಿಸಿರುವುದು ಕಂಡುಬಂದಿದೆ. ಇದರಲ್ಲಿ ಆಳವಡಿಸಲಾಗಿರುವ ನೂತನ ತಂತ್ರಜ್ಞಾನವು ಆಯಾಸ ರಹಿತ ಚಾಲನೆಗೆ ನೆರವಾಗುತ್ತಿದೆ.

ಇನ್ನು ಬೆಲೆಯ ಬಗ್ಗೆ ಮಾತನಾಡುವುದಾದ್ದಲ್ಲಿ ನ್ಯಾನೋ ಮ್ಯಾನುವಲ್ ಟ್ರಾನ್ಸ್ ಮಿಷನ್ ವೆರಿಂಯಟ್ ಬೆಲೆ 1.99 (ದೆಹಲಿ ಎಕ್ಸ್ ಶೋ ರೂಂ) ಆಗಿದೆ. ಅದೇ ಹೊತ್ತಿಗೆ ಎಎಂಟಿ 2.69 ಲಕ್ಷ ರು.ಗಳಷ್ಟು (ಎಕ್ಸ್ ಶೋ ರೂಂ) ದುಬಾರಿಯೆನಿಸಿದೆ. ಇಲ್ಲಿ ಮ್ಯಾನುವಲ್ ಟಾಪ್ ಎಂಡ್ ವೆರಿಯಂಟ್ ಗಿಂತಲೂ ಎಎಂಟಿ ಕೇವಲ 20,000ಗಳಷ್ಟು ದುಬಾರಿಯಾಗಿರುವುದರಿಂದ ಖರೀದಿಗಾರರು ನೇರವಾಗಿ ಎಎಂಟಿ ಮಾದರಿಯನ್ನು ಆಯ್ಕೆ ಮಾಡುತ್ತಿದ್ದಾರೆ.

ಪ್ರಮುಖವಾಗಿಯೂ ಮಾರುತಿ ಸುಜುಕಿ ಆಲ್ಟೊ ಹಾಗೂ ಹ್ಯುಂಡೈ ಇಯಾನ್ ಮಾದರಿಗಳಿಗೆ ನೂತನ ನ್ಯಾನೋ ಪೈಪೋಟಿ ಒಡ್ಡಲಿದೆ. ಇದು 'ಸ್ಮಾರ್ಟ್ ಸಿಟಿ ಕಾರು' ಎಂದು ಗುರುತಿಸಿಕೊಂಡಿದ್ದು, ಮುಂದಿನ ದಿಗಳಲ್ಲಿ ಮತ್ತಷ್ಟು ಸದ್ದು ಮಾಡುವ ನಿರೀಕ್ಷೆಯಲ್ಲಿದೆ.