ಉಬೆರ್ ಆಟೋ ಸೇವೆ ಆರಂಭ; ಮುಂದೇನು?

ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ ಉದ್ಯೋಗಸ್ಥ ಮಹಿಳೆಯ ಮೇಲೆ ಕ್ಯಾಬ್ ಚಾಲಕನ ಅತ್ಯಾಚಾರ ಪ್ರಕರಣದ ಬಳಿಕ ಭಾರಿ ಹಿನ್ನೆಡೆಗೆ ತುತ್ತಾಗಿರುವ ಪ್ರತಿಷ್ಠಿತ ಕ್ಯಾಬ್ ಸಂಸ್ಥೆ ಉಬೆರ್, ಈಗ ಪ್ರಯಾಣಿಕರಿಗಾಗಿ ಆಟೋರಿಕ್ಷಾ ಸೇವೆಯನ್ನು ತೆರೆದುಕೊಂಡಿದೆ. ಪ್ರಸ್ತುತ ಈ ಸೇವೆಯು ದೆಹಲಿ ನಿವಾಸಿಗಳಿಗೆ ಮಾತ್ರ ಲಭ್ಯವಾಗಲಿದ್ದು, ಮುಂದಿನ ದಿನಗಳಲ್ಲಿ ದೇಶದ ಇತರ ನಗರಿಗಳಿಗೂ ವ್ಯಾಪಿಸಲಿದೆ.

ಈಗಲೂ ದೇಶದ ಹಲವು ನಗರಗಳಲ್ಲಿ ಆಟೋರಿಕ್ಷಾ ಪಯಣದ ವೇಳೆ ಮೀಟರ್ ಬಳಕೆಯಾಗುತ್ತಿಲ್ಲ. ಇದಕ್ಕೊಂದು ಉತ್ತಮ ಪರಿಹಾರವಾಗಿ ಉಬೆರ್ ಮುಂದೆ ಬರುತ್ತಿದ್ದು, ರಚನಾತ್ಮಕ ಪಾವತಿ ವ್ಯವಸ್ಥೆಯನ್ನು ಒದಗಿಸಲಿದೆ.

ಇನ್ನು ಯಾವುದೇ ಹೆಚ್ಚುವರಿ ಬಾಡಿಗೆಯನ್ನು ಪಡೆಯದೇ ದೆಹಲಿಯಲ್ಲಿರುವ ಸಾಮಾನ್ಯ ಆಟೋ ದರವನ್ನೇ ಅನ್ವಯ ಮಾಡಲಾಗಿದೆ. ಅಷ್ಟಕ್ಕೂ ಇವೆಲ್ಲ ಸೇವೆಗಳಿಂದ ಇದುವರೆಗೆ ಸಂಸ್ಥೆಗೆ ಉಂಟಾಗಿರುವ ಅಪಖ್ಯಾತಿಯಿಂದ ಹೊರಬರಲು ಉಬೆರ್ ಗೆ ಸಾಧ್ಯವೇ ಎಂಬುದನ್ನು ಕಾದು ನೋಡಬೇಕಾಗಿದೆ.