ಬೆಂಗಳೂರಲ್ಲಿ ದೈಹಿಕ ಅಸಮರ್ಥರಿಗೆ ಕಿಕ್ ಸ್ಟ್ಯಾರ್ಟ್ ಕ್ಯಾಬ್ ಸೇವೆ

ದೈಹಿಕ ಅಸಮರ್ಥರ ಸುಗಮ ಸಂಚಾರ ಧ್ಯೇಯೋದ್ದೇಶವನ್ನು ಮುಂದಿಟ್ಟುಕೊಂಡು ಬೆಂಗಳೂರು ತಳಹದಿಯ ಕ್ಯಾಬ್ ಸಂಸ್ಥೆಯೊಂದು ಅಂಗವಿಕಲರಿಗಾಗಿ ವಿಶೇಷ ವಿನ್ಯಾಸಿತ ವಾಹನವನ್ನು ಹೊರತಂದಿದೆ.

ಎಂಫಾಸಿಸ್ ಫೌಂಡೇಷನ್ ಬೆಂಬಲದೊಂದಿಗೆ ಬೆಂಗಳೂರು ಮೂಲದ ಕಿಕ್ ಸ್ಟ್ಯಾರ್ಟರ್ ಕ್ಯಾಬ್ ಸಂಸ್ಥೆಯು ದೈಹಿಕ ಅಸಮರ್ಥರಿಗಾಗಿ ಕ್ಯಾಬ್ ಸೇವೆಯನ್ನು ಆರಂಭಿಸಿದೆ.

ಸಾರ್ವಜನಿಕ ಸಾರಿಗೆಯಲ್ಲಿ ಸಂಚರಿಸಲು ಕಷ್ಟವಾಗುತ್ತಿರುವ ಸಮಾಜದ ಹಿರಿಯ ನಾಗರಿಕರು ಸಹ ಇದರ ಪ್ರಯೋಜನವನ್ನು ಗಿಟ್ಟಿಸಿಕೊಳ್ಳಬಹುದಾಗಿದೆ.

ಕಿಕ್ ಸ್ಟ್ಯಾರ್ಟ್ ಕಾರುಗಳಲ್ಲಿ ವೀಲ್ ಚೇರ್ ವ್ಯವಸ್ಥೆಗಳನ್ನು ಒದಗಿಸಲಾಗುತ್ತಿದೆ. ತನ್ಮೂಲಕ ಸುಲಭವಾಗಿ ವಾಹನದೊಳಗೆ ಪ್ರವೇಶಿಸಬಹುದಾಗಿದೆ.

ಅಂಗವಿಕಲರು ಹಾಗೂ ಮೊಣಕಾಲಿನ ನೋವಿನ ಸಮಸ್ಯೆ ಇರುವುವರಿಗಾಗಿ ವೀಲ್ ಚೇರ್ ರೂಪದ ತೆಗೆಯಬಹುದಾದ ಮುಂಭಾಗದ ಸೀಟು ವ್ಯವಸ್ಥೆಯನ್ನು ಕೊಡಲಾಗಿದೆ.

ಆನ್ ಲೈನ್ ಮುಖಾಂತರ ಕಿಕ್ ಸ್ಟ್ಯಾರ್ಟ್ ಬುಕ್ಕಿಂಗ್ ಮಾಡಿಕೊಳ್ಳಬಹುದಾಗಿದ್ದು, 20 ಕೀ.ಮೀ. ದೂರದ ಪ್ರಯಾಣಕ್ಕೆ 800 ರುಪಾಯಿ ವೆಚ್ಚ ತಗುಲಲಿದೆ. ನಂತರದ ಪ್ರತಿ ಕೀ.ಮೀ.ಗೆ ಹೆಚ್ಚುವರಿ 20 ರು.ಗಳನ್ನು ಈಡು ಮಾಡಲಾಗುತ್ತದೆ.

ಪ್ರಸ್ತುತ ಕ್ಯಾಬ್ ಸರ್ವಿಸ್ ವಿಶೇಷ ಪ್ಯಾಕೇಜ್ ಗಳನ್ನು ನೀಡುತ್ತಿದ್ದು, ಮನೆ, ರೈಲ್ವೆ ಅಥವಾ ವಿಮಾನಗಳಿಂದ ಪಿಕಪ್ ಹಾಗೂ ಡ್ರಾಪ್ ಸೌಲಭ್ಯಗಳನ್ನು ಒಳಗೂಂಡಿರುತ್ತದೆ.