ಹೊಸ ಹೋಂಡಾ ಅಮೇಜ್ ಕಾರು ಭರ್ಜರಿ ಬಿಡುಗಡೆ

By Nagaraja

Published: Thursday, March 3, 2016, 15:07 [IST]

ಜಪಾನ್ ಮೂಲದ ಮೂಂಚೂಣಿಯ ವಾಹನ ತಯಾರಿಕ ಸಂಸ್ಥೆ ಹೋಂಡಾ ಕಾರ್ಸ್ ಇಂಡಿಯಾ ಲಿಮಿಟೆಡ್ ಸಂಸ್ಥೆಯು ಭಾರತದಲ್ಲಿ ಅತಿ ನೂನತ ಅಮೇಜ್ ಕಾರನ್ನು ಬಿಡುಗಡೆಗೊಳಿಸಿದೆ.

ಬೆಲೆ ಮಾಹಿತಿ: 5.29 ಲಕ್ಷ ರು.ಗಳಿಂದ 8.19 ಲಕ್ಷ ರು. (ಎಕ್ಸ್ ಶೋ ರೂಂ ದೆಹಲಿ)

ಕಾಂಪಾಕ್ಟ್ ಸೆಡಾನ್ ವಿಭಾಗದಲ್ಲಿ ಅತಿ ಜನಪ್ರಿಯ ಕಾರುಗಳಲ್ಲಿ ಒಂದಾಗಿರುವ ಹೋಂಡಾ ಅಮೇಜ್ ಗಮನಾರ್ಹ ಬದಲಾವಣೆಗಳನ್ನು ಪಡೆದಿದ್ದು, ಪ್ರೀಮಿಯಂ ಚಾಲನಾ ಅನುಭವ ನೀಡಲಿದೆ.

ನೂತನ ಅಮೇಜ್ ಕಾರು, ಮೊಬಿಲಿಯೊದಕ್ಕೆ ಸಮಾನವಾದ ಅಗಲವಾದ ಫ್ರಂಟ್ ಗ್ರಿಲ್ ಪಡೆದಿದೆ. ಇನ್ನು ಬದಿಯಲ್ಲಿ ಸ್ವಭಾವ ರೇಖೆ ಹಾಗೂ ಹಿಂಭಾಗದಲ್ಲಿ ಟೈಲ್ ಲ್ಯಾಂಪ್ ಗಳು ಪರಿಷ್ಕೃತ ಕಾರಿಗೆ ಮತ್ತಷ್ಟು ತಾಜಾತನ ತುಂಬಲಿದೆ.

ಕಾರಿನೊಳಗೂ ಬದಲಾವಣೆಗಳು ಕಂಡುಬಂದಿದ್ದು, ಹೊಸತಾದ ಸೆಂಟರ್ ಕನ್ಸಾಲ್ ಜೊತೆ ಅಲ್ಯೂಮಿನಿಯಂ, ಪಿಯಾನೊ ಬ್ಲ್ಯಾಕ್ ಫಿನಿಶ್ ಕಾರಿಗೆ ಪ್ರೀಮಿಯಂ ನೋಟ ನೀಡುತ್ತಿದೆ.

ಹಾಗಿದ್ದರೂ ನೂತನ ಅಮೇಜ್ ಕಾರಿನಲ್ಲೂ ಡ್ಯುಯಲ್ ಟೋನ್ ಬೀಜ್, ಬ್ಲ್ಯಾಕ್ ಕಲರ್ ಇಂಟಿರಿಯರ್, ತ್ರಿ ಸ್ಪೋಕ್ ಸ್ಟೀರಿಂಗ್ ವೀಲ್ ಮತ್ತು ಗೇರ್ ನಾಬ್ ಶೈಲಿಗಳನ್ನು ಉಳಿಸಿಕೊಳ್ಳಲಾಗಿದೆ. ಹಾಗಿದ್ದರೂ ಎಂಜಿನ್ ತಾಂತ್ರಿಕತೆಗಳಲ್ಲಿ ಹೆಚ್ಚೇನು ಬದಲಾವಣೆಗಳು ಕಂಡುಬಂದಿಲ್ಲ.