ಭಾರತದಲ್ಲಿ ಬಿಡುಗಡೆಗೊಂಡ ಬಿಎಂಡಬ್ಲ್ಯೂ ಎಕ್ಸ್1 ಕಾರು: ಬೆಲೆ ಮತ್ತು ವಿವರ ತಿಳಿದುಕೊಳ್ಳಿ

ಜರ್ಮನಿಯ ಬಲಿಷ್ಠವಾದ ಹೊಚ್ಚ ಹೊಸ ಬಿಎಂಡಬ್ಲ್ಯೂ ಎಕ್ಸ್1 ಕಾರು ಕೇವಲ ಮಧ್ಯ ಆವೃತಿ ಬಿಡುಗಡೆಗೊಂಡಿದ್ದು, ಬೆಲೆ ರೂ. 35.75 ಲಕ್ಷ(ಎಕ್ಸ್ ಷೋ ರೂಂ, ದೆಹಲಿ) ನಿಗದಿಪಡಿಸಲಾಗಿದೆ.

2016ರಲ್ಲಿ ನೆಡೆದ ಆಟೋ ಎಕ್ಸ್‌ಪೋದಲ್ಲಿ ಅನಾವರಣಗೊಂಡಿದ್ದ ಈ ಎಕ್ಸ್1 ಕಾರು, 8-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಒಳಗೊಂಡಿದೆ.

2.0 ಲೀಟರ್ 4-ಸಿಲಿಂಡರ್ ಟರ್ಬೊಚಾರ್ಜ್ ತಂತ್ರಜ್ಞಾನ ಹೊಂದಿರುವ ಎಂಜಿನ್, 280ಎನ್ಎಂ ತಿರುಗುಬಲದಲ್ಲಿ 188ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಈ ಕಾರು, 0 ಕಿ.ಮೀ ವೇಗದಿಂದ 100 ಕಿ.ಮೀ ವೇಗ ತಲುಪಲು ಕೇವಲ 7.7 ಸೆಕೆಂಡುಗಳನ್ನು ತೆಗೆದುಕೊಳ್ಳುವ ಈ ಕಾರು 16.30 ಕಿ.ಮೀ ಮೈಲೇಜ್ ನೀಡಲಿದೆ ಎಂದು ಕಂಪನಿ ತಿಳಿಸಿದೆ.

8-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಹೊಂದಿರುವ ಈ ಕಾರಿನಲ್ಲಿ ಉತ್ಪಾದನೆಯಾದ ಎಲ್ಲಾ ಶಕ್ತಿಯನ್ನು ಹಿಂಬದಿಯ ಚಕ್ರಗಳಿಗೆ ಕಳುಹಿಸಿ ಕೊಡಲಾಗುತ್ತದೆ.

ಪ್ರತ್ಯೇಕವಾಗಿ ವಿನ್ಯಾಸಗೊಳಿಸಲಾದ ಮ್ಯಾಟ್ ಅಲ್ಯೂಮಿನಿಯಂನ 14 ಸ್ಲಾಟ್ ಕಿಡ್ನಿ ಗ್ರಿಲ್ ಕಾರಿಗೆ ಹೆಚ್ಚು ರಂಗು ತಂದು ಕೊಟ್ಟಿದೆ.

ಇನ್ನು ಒಳಭಾಗದಲ್ಲಿ 2-ಜೋನ್ ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್, ಪನೋರಮ ಗ್ಲಾಸ್ ರೂಫ್, ಹಿಂಭಾಗದಲ್ಲಿ ಮತ್ತು ಮುಂಭಾಗದಲ್ಲಿ ಇರುವಂತಹ ಫುಟ್ ವೆಲ್ ದೀಪಗಳು ಕಾರಿಗೆ ಹೆಚ್ಚಿನ ವಿಶೇಷತೆ ತಂದಿರುವುದಂತೂ ಸತ್ಯ.

ಹಿಂಭಾಗದಲ್ಲಿ, ಅಂಡರ್‌ಬಾಡಿ ಸುರಕ್ಷತೆ ಹೊಂದಿರುವ ಬ್ಲಾಕ್ ಮತ್ತು ಸಿಲ್ವರ್ ಬಣ್ಣದ ಮ್ಯಾಟ್ ಹೊಂದಿದ್ದು, ಕ್ರೋಮ್ ಟ್ರಿಮ್‌ನ ಎರಡು ಹೋಗೆ ಉಗುಳುವ ಕೊಳವೆ ಹೊಂದಿದೆ.

ಇನ್ನು ಒಳಭಾಗದಲ್ಲಿ 2-ಜೋನ್ ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್, ಪನೋರಮ ಗ್ಲಾಸ್ ರೂಫ್, ಹಿಂಭಾಗದಲ್ಲಿ ಮತ್ತು ಮುಂಭಾಗದಲ್ಲಿ ಇರುವಂತಹ ಫುಟ್ ವೆಲ್ ದೀಪಗಳು ಕಾರಿಗೆ ಹೆಚ್ಚಿನ ವಿಶೇಷತೆ ತಂದಿರುವುದಂತೂ ಸತ್ಯ.

16.5 ಇಂಚಿನ ಅಲಾಯ್ ಚಕ್ರಗಳನ್ನು ಹೊಂದಿರುವ ಎಂ ಸ್ಪೋರ್ಟ್ 330ಐ ಪೂರ್ಣ ಪ್ರಮಾಣದ ಬಣ್ಣದ ಪರದೆ, ಪಾರ್ಕಿಂಗ್ ಸೆನ್ಸರ್ ಮತ್ತು ಕ್ಯಾಮೆರಾ ಒಳಗೊಂಡಿರಲಿದೆ.

ಬಿಎಂಡಬ್ಲ್ಯೂ ಎಕ್ಸ್1 ಕಾರು ಆರು ಗಾಳಿಚೀಲ, ಎಬಿಎಸ್ ಬ್ರೇಕ್ ಅಸಿಸ್ಟ್, ಕಾರ್ನರ್ ಬ್ರೇಕ್ ಕಂಟ್ರೋಲ್, ಡೈನಮಿಕ್ ಟ್ರಾಕ್ಷನ್ ಕಂಟ್ರೋಲ್ (ಡಿಟಿಸಿ) ಜೊತೆ ಡೈನಾಮಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ಡಿಎಸ್‌ಸಿ) ಹೊಂದಿರಲಿದೆ.

ಆಲ್ಪೈನ್ ವೈಟ್, ಬ್ಲಾಕ್ ಸಾಫಿರ್, ಸ್ಪಾರ್ಕ್ಲಿಂಗ್ ಬ್ರೌನ್, ಮೆಡಿಟರೇನಿಯನ್ ಬ್ಲೂ ಮತ್ತು ಚೆಸ್ಟ್‌ನಾಟ್ ಬ್ರಾಂಜ್ ಎಂಬ ಐದು ಹೊಸ ಬಣ್ಣಗಳಲ್ಲಿ ಬಿಡುಗಡೆಗೊಂಡಿದೆ.