ರಾ.ಹೆ 2ರಲ್ಲಿ ಭೀಕರ ಅಪಘಾತ- ಘಟನೆಯಲ್ಲಿ ಫಿಯೆಟ್ ಪುಂಟೊ ಕಾರು ಪುಡಿ ಪುಡಿ

ಲಾರಿ ಚಾಲಕನ ಒಂದು ಸಣ್ಣ ತಪ್ಪಿನಿಂದಾಗಿ ಫಿಯೆಟ್ ಪುಂಟೊ ಅಬಾರ್ತ್ ಕಾರು ಅಪಘಾತಕ್ಕೆ ಇಡಾಗಿದ್ದು, ದೆಹಲಿ ಸಮೀಪ ಸಂಭವಿಸಿದ ಘಟನೆಯಲ್ಲಿ ಲಾರಿ ಹಿಂಬದಿಗೆ ಡಿಕ್ಕಿ ಹೊಡೆದ ಫಿಯೆಟ್ ಕಾರು ಸಂಪೂರ್ಣ ಜಖಂಗೊಂಡಿರುವ ಘಟನೆ ನಡೆದಿದೆ.

ಫಿಯೆಟ್ ಕಾರು ಘಟನೆ ಸಂದರ್ಭದಲ್ಲಿ ಗಂಟೆಗೆ 80 ಕಿಮಿ ವೇಗದಲ್ಲಿ ಚಲಿಸುತ್ತಿದ್ದ ಎನ್ನಲಾಗಿದ್ದು, ಈ ವೇಳೆ ಗೂಡ್ಸ್ ಲಾರಿ ಚಾಲಕ ಯಾವುದೇ ಇಂಡಿಕೇಟರ್ ಸೂಚನೆ ನೀಡದೆ ರಸ್ತೆ ಬದಿ ಪಾರ್ಕ್ ಮಾಡಲು ಮುಂದಾಗಿದ್ದಾನೆ.

ಲಾರಿ ಹಿಂದೆಯೇ ವೇಗದಲ್ಲಿ ಬರುತ್ತಿದ್ದ ಫಿಯೆಟ್ ಈ ವೇಳೆ ನಿಯಂತ್ರಣ ಕಳೆದುಕೊಂಡಿದ್ದು, ನೇರವಾಗಿ ಲಾರಿಗೆ ಡಿಕ್ಕಿ ಹೊಡೆದಿದ್ದಾನೆ. ಆದ್ರೆ ಅದೃಷ್ಟವಶಾತ್ ಸಣ್ಣ ಪುಟ್ಟ ಗಾಯಗಳನ್ನು ಹೊರತುಪಡಿಸಿ ಕಾರು ಚಾಲಕ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ.

Recommended Video

Tata Tiago XTA AMT Launched In India | In Kannada - DriveSpark ಕನ್ನಡ

ಇನ್ನು ಅಪಘಾತದಲ್ಲಿ ಸಿಲುಕಿದ ಫಿಯೆಟ್ ಪುಂಟೊ ಅಬಾರ್ತ್ ಕಾರು ಹಾಟ್ ಹ್ಯಾಚ್‌ಬ್ಯಾಕ್ ವೈಶಿಷ್ಟ್ಯತೆಗಳೊಂದಿಗೆ ಅಭಿವೃದ್ಧಿ ಹಲವು ಬಗೆಯ ಸುರಕ್ಷಾ ಸಾಧನಗಳನ್ನು ಅಳವಡಿಸಿಲಾಗಿದೆ. ಇದೇ ಕಾರಣಕ್ಕಾಗಿಯೇ ಭೀಕರ ಅಪಘಾತದಲ್ಲೂ ಕಾರು ಚಾಲಕನಿಗೆ ಸೂಕ್ತ ರಕ್ಷಣೆ ದೊರೆತಿದೆ ಎನ್ನಬಹುದು.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಪ್ರಿಯ ಡ್ರೈವ್ ಸ್ಪಾರ್ಕ್ ಓದುಗರೇ ಯಾವುದೇ ಕಾರಣಕ್ಕೂ ಹೆದ್ದಾರಿಗಳಲ್ಲಿ ಕಾರು ಚಾಲನೆ ವೇಳೆ ಎಲ್ಲ ಕಡೆಗೂ ಗಮನಿಹರಿಸುವ ಮೂಲಕ ಚಾಲನೆ ಮಾಡುವುದು ಒಳಿತು. ಇಲ್ಲವಾದ್ರೆ ಬೇರೆಯವರು ಮಾಡುವ ತಪ್ಪುಗಳು ನಿಮ್ಮ ಜೀವಕ್ಕೂ ಆಪತ್ತು ತರಬಹುದು.