Just In
- 10 hrs ago Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- 11 hrs ago ಬಹುಕೋಟಿ ಬೆಲೆಯ ಕಾರುಗಳಿದ್ದರೂ ಸಾಮಾನ್ಯ ಮಾರುತಿ ಕಾರಿನಲ್ಲಿ ಓಡಾಡಿದ ರೋಹಿತ್ ಶರ್ಮಾ: ಕಾರಣವೇನು?
- 12 hrs ago HSRP ನಂಬರ್ ಪ್ಲೇಟ್ನಲ್ಲಿ ನಡೆಯುತ್ತಿದೆ ಭಾರೀ ಮೋಸ: ಬುಕ್ ಮಾಡದವರು ಇದನ್ನು ಗಮನಿಸಿ!
- 12 hrs ago Nissan Magnite: ಕಾಮಧೇನುವಾದ ನಿಸ್ಸಾನ್ ಮ್ಯಾಗ್ನೈಟ್.. 6 ಲಕ್ಷ ಬೆಲೆ, 20 ಕಿ.ಮೀ ಮೈಲೇಜ್
Don't Miss!
- News Karnataka LS Election 2024 LIVE: ಇಂದು ದೇಶದಲ್ಲಿ ಎರಡನೇ ಹಂತದ, ರಾಜ್ಯದಲ್ಲಿ ಮೊದಲ ಹಂತದ ಮತದಾನ
- Movies Shobha Shetty ; ನಿಶ್ಚಿತಾರ್ಥದ ಬಗ್ಗೆ ಮಾಹಿತಿ ನೀಡಿದ ನಟಿ ಶೋಭಾ ಶೆಟ್ಟಿ
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಕ್ಕಳಿಗಾಗಿಯೇ ಸಿದ್ದವಾದ ಈ ಬುಗಾಟಿ ಕಾರಿನ ಬೆಲೆ ಕೇಳಿದ್ರೆ ನಿಮಗೆ ಅಚ್ಚರಿಯಾಗುತ್ತೆ..!
ಹೈಪರ್ ಕಾರುಗಳ ನಿರ್ಮಾಣದಲ್ಲಿ ಮುಂಚೂಣಿಯಲ್ಲಿರುವ ಫ್ರೆಂಚ್ ಆಟೋ ಉತ್ಪಾದನಾ ಸಂಸ್ಥೆ ಬುಗಾಟಿಯು ವಿಶ್ವ ಆಟೋ ಉದ್ಯಮದಲ್ಲಿ ಹತ್ತು ಹಲವು ದಾಖಲೆಗಳೊಂದಿಗೆ ಅತಿ ದುಬಾರಿ ಕಾರುಗಳನ್ನು ನಿರ್ಮಾಣ ಮಾಡುವಲ್ಲಿ ಯಶಸ್ವಿಯಾಗಿರುವುದಲ್ಲದೇ ಮುಂದಿನ ಕೆಲವೇ ದಿನಗಳಲ್ಲಿ 110ನೇ ವರ್ಷಾಚರಣೆಗೆ ಸಿದ್ದವಾಗುತ್ತಿದೆ. ಹೀಗಾಗಿ ಸಂಭ್ರಮಾಚರಣೆಯಲ್ಲಿರುವ ಬುಗಾಟಿ ಸಂಸ್ಥೆಯು ಮಕ್ಕಳಿಗಾಗಿಯೇ ಸಿದ್ದಪಡಿಸಲಾಗಿರುವ ಬೇಬಿ II ಕಾರು ಮಾದರಿಯೊಂದನ್ನು ಅನಾವರಣಗೊಳಿಸಿದೆ.
ಬುಗಾಟಿ ಸಂಸ್ಥೆಯು 1909ರಿಂದ ಕಾರು ಉತ್ಪಾದನೆಯಲ್ಲಿ ಹಲವು ಬದಲಾವಣೆಯೊಂದಿಗೆ ವಿಶ್ವದ ಅತಿ ದುಬಾರಿ ಕಾರು ಮಾದರಿಯಾಗಿ ಹೊರಹೊಮ್ಮಿದ್ದು, ತನ್ನ 110ನೇ ವರ್ಷಾಚರಣೆ ಹಿನ್ನೆಲೆಯಲ್ಲಿ ಆರಂಭ ದಿನಗಳಲ್ಲಿ ಉತ್ಪಾದನೆಗೊಂಡಿದ್ದ ಕೆಲವು ಜನಪ್ರಿಯ ಕಾರು ಮಾದರಿಗಳ ಹೊಸ ಆವೃತ್ತಿಗಳನ್ನು ಮರುನಿರ್ಮಾಣ ಮಾಡಿ ಅನಾವರಣಗೊಳಿಸುತ್ತಿದೆ. ಕಳೆದ ವಾರವಷ್ಟೇ ವಿಶ್ವದ ಅತಿ ದುಬಾರಿ ಕಾರು ಮಾದರಿಯಾದ ಲೊ ವೆಟ್ರಿ ನವಾ ಕಾರನ್ನು ಅನಾವರಣ ಮಾಡಿದ್ದ ಬುಗಾಟಿ ಇದೀಗ ಮಕ್ಕಳಿಗಾಗಿ 'ಬೇಬಿ II' ಕಾರನ್ನು ಅನಾವರಣಗೊಳಿಸಿದೆ.
1927ರಲ್ಲಿ ಮೊದಲ ಬಾರಿಗೆ ಬಿಡುಗಡೆಯಾಗಿದ್ದ ಟೈಪ್ 35 ಕಾರಿನ ನೆನಪಿಗಾಗಿ ಬೇಬಿ II ಕಾರನ್ನು ಮರುನಿರ್ಮಾಣ ಮಾಡಿ ಅನಾವರಣ ಮಾಡಲಾಗಿದ್ದು, ಎಲೆಕ್ಟ್ರಿಕ್ ಎಂಜಿನ್ ಪ್ರೇರಣೆ ಹೊಂದಿರುವ ಈ ಕಾರುನ್ನು ಚಾಲನೆ ಮಾಡಲು ಯಾವುದೇ ರೀತಿಯ ಲೆಸೆನ್ಸ್ ಬೇಕಿಲ್ಲ ಅಂತಾ ಬುಗಾಟಿ ಸಂಸ್ಥೆಯೇ ಹೇಳಿಕೊಂಡಿದೆ.
ಮಕ್ಕಳು ಅಷ್ಟೇ ಅಲ್ಲ ವಯಸ್ಕರು ಕೂಡಾ ಕುಳಿತುಕೊಳ್ಳಬಹುದಾಷ್ಟು ಆಸನದ ಸೌಲಭ್ಯವು ಈ ಬೇಬಿ II ಬುಗಾಟಿ ಕಾರಿನಲ್ಲಿದ್ದು, ಬೇಬಿ II ಕಾರಿನಲ್ಲಿ ಪ್ರಮುಖ ಎರಡು ಮಾದರಿಯ 1ಕೆವಿ ಚೈಲ್ಡ್ ಮೋಡ್ ಮತ್ತು 4ಕೆವಿ ಅಡಲ್ಟ್ ಮೋಡ್ ಎನ್ನುವ ಚಾಲನಾ ಆಯ್ಕೆಗಳನ್ನು ಒದಗಿಸಲಾಗಿದೆ.
1ಕೆವಿ ಚೈಲ್ಡ್ ಮೋಡ್ ಮೂಲಕ ಗಂಟೆಗೆ 20 ಕಿ.ಮಿ ವೇಗದಲ್ಲಿ ಚಲಿಸಬಹುದಾಗಿದ್ದು, ಯುವಕರಾಗಿದ್ದಲ್ಲಿ 4ಕೆವಿ ಅಡಲ್ಟ್ ಮೋಡ್ ಮೂಲಕ ಗಂಟೆಗೆ 45 ಕಿ.ಮಿ ವೇಗದಲ್ಲಿ ಚಲಿಸಬಹುದು. ಜೊತೆಗೆ ತೆಗೆದುಹಾಕಬಹುದಾದ ಲೀಥಿಯಂ ಅಯಾನ್ ಬ್ಯಾಟರಿ ಪ್ಯಾಕ್ ಹೊಂದಿರುವ ಬೇಬಿ II ಬುಗಾಟಿ ಕಾರಿನಲ್ಲಿ ಕೆಲವೇ ಅತ್ಯಾಧುನಿಕ ಫಿಚರ್ಸ್ಗಳನ್ನು ಜೋಡಿಸಲಾಗಿದೆ.
1926ರ ಅವಧಿಯಲ್ಲಿ ಬುಗಾಟಿ ನೌಕರನಾಗಿದ್ದ ಎರೊಟ್ಟೆ ಎಂಬಾತನು ತನ್ನ ಮಗನ 4ನೇ ವರ್ಷದ ಹುಟ್ಟುಹಬ್ಬಕ್ಕಾಗಿ ಟೈಪ್ 35 ಕಾರು ಮಾದರಿಯನ್ನು ನಿರ್ಮಾಣ ಮಾಡಿ ಗಿಫ್ಟ್ ನೀಡಿದ್ದ. ತದನಂತರ ಈ ಕಾರನ್ನು ನೋಡಿದ ಬಹುತೇಕರು ತಮ್ಮ ಮಗನಿಗೂ ಇಂತದ್ದೇ ಒಂದು ಕಾರು ನಿರ್ಮಾಣ ಮಾಡಿಕೊಡುವಂತೆ ಪಟ್ಟುಹಿಡಿದಿದ್ದರಂತೆ.
MOST READ: ಕೊಹ್ಲಿಗೆ ಟೋಪಿ ಹಾಕಿದ ಕಾಲ್ ಸೆಂಟರ್ ಕಿಲಾಡಿ- ಠಾಣೆಯಲ್ಲೇ ಅನಾಥವಾಗಿ ಬಿದ್ದ ರೂ. 3 ಕೋಟಿ ಕಾರು..!
ಹೀಗಾಗಿ ಬುಗಾಟಿ ಸಂಸ್ಥೆಯ ಬಳಿ ಈ ಬಗ್ಗೆ ಚರ್ಚಿಸಿದ ಎರೊಟ್ಟೆಯವರು ಈ ಕಾರುನ್ನು ನಿರ್ಮಾಣ ಮಾಡಲು ಅಧಿಕೃತ ಒಪ್ಪಿಗೆ ಪಡೆದಿದ್ದಲ್ಲದೇ 1927ರಿಂದ ಉತ್ಪಾದನಾ ಕಾರ್ಯಕ್ಕೆ ಚಾಲನೆ ನೀಡಿದ್ದರು. ತದನಂತರ 1936ರ ತನಕ ಖರೀದಿಗೆ ಲಭ್ಯವಿದ್ದ ಈ ಕಾರು 9 ವರ್ಷಗಳ ಅವಧಿಯಲ್ಲಿ ಬರೋಬ್ಬರಿ 500 ಕಾರುಗಳು ಮಾರಾಟವಾಗಿದ್ದವು. ಆದ್ರೆ ಕೆಲವೇ ಕೆಲವು ಟೈಪ್ 35 ಕಾರುಗಳು ಮಾತ್ರ ಬುಗಾಟಿ ಕಾರುಗಳ ಸಂಗ್ರಹದಲ್ಲಿವೆ.
ಮಾರಾಟಕ್ಕೆ 500 ಕಾರುಗಳು ಮಾತ್ರ ಲಭ್ಯ..!
ಹೌದು, ಟೈಪ್ 35 ಕಾರಿನ ನೆನಪಿಗಾಗಿ ಉತ್ಪಾದನೆ ಮಾಡಲಾಗುತ್ತಿರುವ ಬೇಬಿ II ಬುಗಾಟಿ ಕಾರುಗಳು ಲಿಮಿಟೆಡ್ ಆವೃತ್ತಿಯಾಗಿದ್ದು, ವಿಶ್ವಾದ್ಯಂತ ಕೇವಲ 500 ಕಾರುಗಳನ್ನು ಮಾತ್ರವೇ ಮಾರಾಟ ಮಾಡಲು ನಿರ್ಧರಿಸಿದೆ. ಹೀಗಾಗಿ ಹೊಸ ಕಾರು ಈಗಾಗಲೇ ಅರ್ಧಕ್ಕಿಂತಲೂ ಹೆಚ್ಚು ಮುಂಗಡವಾಗಿ ಮಾರಾಟಗೊಂಡಿವೆ.
MOST READ: ವಿಮಾನವನ್ನೇ ನಿರ್ಮಿಸಲು ಮುಂದಾಗಿದ್ದ ರೈತನೊಬ್ಬ ಕೊನೆಗೆ ಮಾಡಿದ್ದೇನು ಗೊತ್ತಾ?
ಕಾರಿನ ಬೆಲೆ
ಮೂಲಗಳ ಪ್ರಕಾರ, ಹೊಸ ಬೇಬಿ II ಬುಗಾಟಿ ಕಾರಿನ ಬೆಲೆಯು ರೂ. 25.95 ಲಕ್ಷ ಎಂದು ಹೇಳಲಾಗಿದ್ದು, ಹೊಸ ಕಾರಿನಲ್ಲಿ ಐಷಾರಾಮಿ ಆಸನ ಸೌಲಭ್ಯ ಸೇರಿದಂತೆ, 8-ಸ್ಪೋಕ್ ಅಲಾಯ್ ವೀಲ್ಹ್ ಸೇರಿದಂತೆ ದುಬಾರಿ ಬೆಲೆಯ ಶಿರೊನ್ ಕಾರಿನಿಂದ ಕೆಲವು ಫೀಚರ್ಸ್ಗಳನ್ನು ಬೇಬಿ II ಕಾರಿನಲ್ಲಿ ಅಳವಡಿಸಲಾಗಿದೆ.