ಇನ್ಮುಂದೆ ಈ ಆ್ಯಪ್ ಇದ್ರೆ ಪೆಟ್ರೋಲ್ ಬಂಕ್‌ನಲ್ಲಿ ಕ್ಯೂ ನಿಲ್ಲಬೇಕಿಲ್ಲ...

ಹಿಂದೂಸ್ತಾನ್ ಪೆಟ್ರೋಲಿಯಂ ಸಂಸ್ಥೆಯು ಪರಿಚಯಿಸಲು ಮುಂದಾಗಿರುವ ಹೊಸ ಸೌಲಭ್ಯದಿಂದ ನೀವು ಪೆಟ್ರೋಲ್ ಬಂಕ್‌ಗಳಲ್ಲಿ ಕ್ಯೂ ನಿಲ್ಲುವುದು ತಪ್ಪಲಿದ್ದು, ಪೆಟ್ರೋಲ್ ಬಂಕ್ ಸಿಬ್ಬಂದಿಯ ಬದಲಾಗಿ ನೀವೇ ಬೇಕಾದಷ್ಟು ಇಂಧನವನ್ನು ತುಂಬಿಸಿಕೊಂಡು ಸ್ಮಾರ್ಟ್ ಕಾರ್ಡ್ ಮೂಲಕವೇ ಹಣ ಪಾವತಿ ಮಾಡಬಹುದಾದ ಸೌಲಭ್ಯ ಇದಾಗಿದೆ.

ಹೊಸ ಸೌಲಭ್ಯವನ್ನು 'ಫಾಸ್ಟ್‌ಲೈನ್ ಸರ್ವೀಸ್' ಎಂದು ಕರೆಯಲಾಗಿದ್ದು, ಇಲ್ಲಿ ಯಾವುದೇ ಪೆಟ್ರೋಲ್ ಬಂಕ್ ಸಿಬ್ಬಂದಿ ಇರುವುದಿಲ್ಲ. ಬದಲಾಗಿ ನೀವೇ ಬೇಕಾದ ಇಂಧನ ಮಾದರಿಯನ್ನು ತುಂಬಿಸಿಕೊಳ್ಳಬಹುದು.

ಆಟೋ ಪೆಮೇಂಟ್ ಮೂಲಕವೇ ನೀವು ತುಂಬಿಸಿದ ಇಂಧನಕ್ಕೆ ಪ್ರತಿಯಾಗಿ ಹಣ ಪಾವತಿಯಾಗುವ ವ್ಯವಸ್ಥೆ ಇದರಲಿದ್ದು, ಪೆಟ್ರೋಲ್‌ಗಾಗಿ ಸರತಿ ಸಾಲಿನಲ್ಲಿ ನಿಂತು ಸಮಯ ವ್ಯರ್ಥವಾಗುವುದನ್ನು ತಪ್ಪಿಸಬಹುದಾಗಿದೆ.

ಹೊಸ ಸೌಲಭ್ಯ ಅಳವಡಿಸಿಕೊಳ್ಳುವುದು ಹೇಗೆ?

ಫಾಸ್ಟ್‌ಲೈನ್ ಸೌಲಭ್ಯವನ್ನು ಅಳವಡಿಸಿಕೊಳ್ಳುವ ಮೊದಲು ನಿಮ್ಮ ಅಂಡ್ರಾಯ್ಡ್ ಮತ್ತು ಆ್ಯಪಲ್ ಫೋನ್‌ನಿಂದ ಫಾಸ್ಟ್‌ಲೈನ್ ಆ್ಯಪ್ ಅಳವಡಿಸಿಕೊಳ್ಳಬೇಕಾಗುತ್ತದೆ. ತದನಂತರ ಅಲ್ಲಿ ನಿಮ್ಮ ಬ್ಯಾಂಕ್ ಖಾತೆ ವಿವರಗಳನ್ನು ದಾಖಲಿಸಿದ್ರೆ ಈ ಸೌಲಭ್ಯವನ್ನು ಬಳಕೆ ಮಾಡಿಕೊಳ್ಳಲು ನೀವು ಅರ್ಹರು.

ತದನಂತರ, ಯಾವುದೇ ಫಾಸ್ಟ್‌ಲೈನ್ ಪೆಟ್ರೋಲ್ ಬಂಕ್ ಹೋಗಿ ಇಂಧನ ತುಂಬಿಸಿದಾಗ ಅಲ್ಲಿ ಫಾಸ್ಟ್‌ಲೈನ್ ಆ್ಯಪ್‌ ಆನ್ ಬಂಕ್ ಕೋಡ್‌ವರ್ಲ್ಡ್ ಸ್ಕ್ಯಾನ್ ಮಾಡಬೇಕಾಗುತ್ತೆ. ನಂತರ ಅದು ನೀವು ತುಂಬಿಸಿದ ಇಂಧನ ಪ್ರಮಾಣ ಮತ್ತು ಬೆಲೆ ವಿವರವನ್ನು ನೋಂದಣಿ ಮೊಬೈಲ್ ಸಂಖ್ಯೆಗೆ ಸಂದೇಶ ರವಾನಿಸುತ್ತೆ.

ಫಾಸ್ಟ್‌ಲೈನ್‌ನಿಂದ ಏನು ಲಾಭ?

ಕೆಲವು ಪೆಟ್ರೋಲ್ ಬಂಕ್‌ಗಳಲ್ಲಿ ಇಂಧನ ತುಂಬಿಸುವಲ್ಲಿ ಮೋಸ ಮಾಡುವ ಪ್ರಕರಣಗಳು ಇತ್ತೀಚೆಗೆ ಹೆಚ್ಚಿದ್ದು, ಇಲ್ಲಿ ನೀವೇ ಖುದ್ದಾಗಿ ಇಂಧನ ತುಂಬಿಸಿಕೊಳ್ಳುವುದರಿಂದ ಇಂತಹ ಮೋಸದ ವ್ಯವಹಾರಗಳಿಗೆ ಕಡಿವಾಣ ಹಾಕಬಹುದು.

ಅದಕ್ಕಿಂತ ಹೆಚ್ಚಾಗಿ ಆಫೀಸ್‌ಗಳಿಗೆ ಹೋಗುವ ಸಮಯದಲ್ಲೇ ಬಹುತೇಕರು ಇಂಧನ ತುಂಬಿಸಲು ಪೆಟ್ರೋಲ್ ಬಂಕ್‌ಗಳಿಗೆ ಬರುವುದು ಸಾಮಾನ್ಯ. ಈ ವೇಳೆ ಪೆಟ್ರೋಲ್ ಬಂಕ್‌ಗಳಲ್ಲಿ ಕ್ಯೂ ನಿಲ್ಲುವಷ್ಟು ಯಾರಿಗೂ ಸಮಯ ಇರುದಿಲ್ಲ. ಆಗ ಫಾಸ್ಟ್‌ಲೈನ್ ಸರ್ವೀಸ್ ಬಳಕೆ ಮಾಡಿಕೊಳ್ಳುವುದು ಉತ್ತಮ ಮಾರ್ಗ ಎನ್ನಬಹುದು.

ಇದೇ ಕಾರಣಕ್ಕೆ ಹಿಂದೂಸ್ತಾನ್ ಪೆಟ್ರೋಲಿಯಂ ಸಂಸ್ಥೆಯು ಮೆಟ್ರೋ ನಗರಗಳಲ್ಲಿ ಫಾಸ್ಟ್‌ಲೈನ್ ಸರ್ವೀಸ್‌ಗಳನ್ನು ಹೆಚ್ಚಿಸುತ್ತಿದ್ದು, ಇದು ಈಗಾಗಲೇ ಮುಂಬೈ ನಗರದಲ್ಲಿ ಕಾರ್ಯರೂಪಕ್ಕೆ ಬಂದಿರುವುದಲ್ಲದೇ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

ಮುಂಬೈನ ಪ್ರಮುಖ 18 ಕಡೆಗಳಲ್ಲಿ ಫಾಸ್ಟ್‌ಲೈನ್ ಸರ್ವೀಸ್ ತೆರೆಯಲಾಗಿದ್ದು, ಮುಂದಿನ ಕೆಲವೇ ದಿನಗಳಲ್ಲಿ ದೇಶದ ಪ್ರಮುಖ ನಗರಗಳಲ್ಲೂ ಕೂಡಾ ಫಾಸ್ಟ್‌ಲೈನ್ ಸೌಲಭ್ಯ ಲಭ್ಯವಾಗಲಿದೆ ಎಂದು ಹಿಂದೂಸ್ತಾನ್ ಪೆಟ್ರೋಲಿಯಂ ಸಂಸ್ಥೆ ತನ್ನ ಅಧಿಕೃತ ಪ್ರಕಟಣೆಯಲ್ಲಿ ಹೇಳಿಕೊಂಡಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವಿಭಾಗದಲ್ಲಿನ ಟಾಪ್ ಸ್ಟೋರಿಗಳು:

ಈ ಕಾರಿನ ವೆಚ್ಚ ಒಂದು ಕಿಲೋ ಮೀಟರ್‍‍ಗೆ ಕೇವಲ ರೂ. 1.15 ಪೈಸೆ ಮಾತ್ರ..!!

ಅಪ್ರಾಪ್ತರ ಕೈಗೆ ಬೈಕ್ ಕೊಟ್ಟಿದ್ದಕ್ಕೆ ಜೈಲು ಪಾಲಾದ 26 ಪೋಷಕರು

ಮಹೀಂದ್ರಾ ಥಾರ್‌ನಲ್ಲಿ ಸಿದ್ದವಾದ ಮಾಡಿಫೈ ಹಮ್ಮರ್ ಹೇಗಿದೆ ನೋಡಿ...

ಬೆಂಗಳೂರು ಟ್ರಾಫಿಕ್‌ಗೆ ಬೇಸತ್ತು ಈ ಟೆಕ್ಕಿ ಮಾಡಿದ್ದೇನು ಗೊತ್ತಾ?

ಐಷಾರಾಮಿ ಕಾರುಗಳನ್ನೆ ಟ್ರ್ಯಾಕ್ಟರ್‍‍ಗಳನ್ನಾಗಿ ಪರಿವರ್ತಿಸಿದ ರೈತರು..!!