ಡಿಸೆಂಬರ್ ತಿಂಗಳ ಮಾರಾಟ ವರದಿ ಬಿಡುಗಡೆಗೊಳಿಸಿದ ಮಹೀಂದ್ರಾ

ಮಹೀಂದ್ರಾ ಕಂಪನಿಯು 2019ರ ಡಿಸೆಂಬರ್‌ ತಿಂಗಳಿನಲ್ಲಿ 15,276 ಯೂನಿಟ್ ಕಾರುಗಳನ್ನು ಮಾರಾಟ ಮಾಡಿತ್ತು. ಈ ಮೂಲಕ ಮಹೀಂದ್ರಾ ಕಂಪನಿಯು ಮಾರಾಟದಲ್ಲಿ 5% ಬೆಳವಣಿಗೆಯನ್ನು ದಾಖಲಿಸಿದೆ. ಮಹೀಂದ್ರಾ ಅಂಡ್ ಮಹೀಂದ್ರಾ ಭಾರತದ ನಾಲ್ಕನೇ ಅತಿದೊಡ್ಡ ಕಾರು ತಯಾರಕ ಕಂಪನಿಯಾಗಿದೆ. ಬೊಲೆರೋ 2020ರ ಡಿಸೆಂಬರ್‌ನಲ್ಲಿ ಹೆಚ್ಚು ಮಾರಾಟವಾದ ಮಹೀಂದ್ರಾ ಕಂಪನಿಯ ಕಾರು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಮಹೀಂದ್ರಾ ಕಳೆದ ತಿಂಗಳು 5,053 ಯೂನಿಟ್ ಬೊಲೆರೋ ಕಾರುಗಳನ್ನು ಮಾರಾಟ ಮಾಡಿದೆ. 2019ರ ಡಿಸೆಂಬರ್‌ನಲ್ಲಿ 5,661 ಯೂನಿಟ್ ಬೊಲೆರೋ ಕಾರುಗಳನ್ನು ಮಾರಾಟ ಮಾಡಲಾಗಿತ್ತು. ಬೊಲೆರೋ ಮಾರಾಟವು 2019ರ ಡಿಸೆಂಬರ್ ತಿಂಗಳಿಗೆ ಹೋಲಿಸಿದರೆ 2020ರ ಡಿಸೆಂಬರ್'ನಲ್ಲಿ 11%ನಷ್ಟು ಕುಸಿದಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಸಬ್ 4 ಮೀಟರ್ ಕಾಂಪ್ಯಾಕ್ಟ್ ಎಸ್‌ಯುವಿಯಾದ ಎಕ್ಸ್‌ಯುವಿ 300 ಈ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದೆ. 2019ರ ಡಿಸೆಂಬರ್ ತಿಂಗಳಿನಲ್ಲಿ ಮಹೀಂದ್ರಾ ಕಂಪನಿಯು 2,132 ಯೂನಿಟ್ ಎಕ್ಸ್‌ಯುವಿ 300 ಕಾರುಗಳನ್ನು ಮಾರಾಟ ಮಾಡಿತ್ತು.

2020ರ ಡಿಸೆಂಬರ್ ತಿಂಗಳಿನಲ್ಲಿ ಈ ಪ್ರಮಾಣವು 3,974 ಯೂನಿಟ್'ಗಳಿಗೆ ಏರಿದೆ. ಈ ಮೂಲಕ ಈ ಕಾರಿನ ಮಾರಾಟದಲ್ಲಿ 86%ನಷ್ಟು ಏರಿಕೆಯಾಗಿದೆ. ಗ್ಲೋಬಲ್ ಎನ್‌ಸಿಎಪಿ ಕ್ರಾಶ್ ಟೆಸ್ಟ್'ನಲ್ಲಿ ಮಹೀಂದ್ರಾ ಎಕ್ಸ್‌ಯುವಿ 300 ಕಾರು 5 ಸ್ಟಾರ್ ಸುರಕ್ಷತಾ ರೇಟಿಂಗ್ ಪಡೆದಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಸ್ಕಾರ್ಪಿಯೋ 2020ರ ಡಿಸೆಂಬರ್‌ ತಿಂಗಳಿನಲ್ಲಿ ಹೆಚ್ಚು ಮಾರಾಟವಾದ ಮಹೀಂದ್ರಾ ಕಂಪನಿಯ ಮೂರನೇ ಕಾರು. 2019ರ ಡಿಸೆಂಬರ್‌ನಲ್ಲಿ 3,656 ಯೂನಿಟ್ ಮಾರಾಟವಾಗಿದ್ದ ಸ್ಕಾರ್ಪಿಯೋ ಕಾರಿನ ಪ್ರಮಾಣವು 2020ರ ಡಿಸೆಂಬರ್ ತಿಂಗಳಿನಲ್ಲಿ 3,417 ಯೂನಿಟ್'ಗಳಿಗೆ ಇಳಿದಿದೆ. ಈ ಮೂಲಕ ಮಾರಾಟದಲ್ಲಿ 7%ನಷ್ಟು ಕುಸಿತವಾಗಿದೆ.

ಮಹೀಂದ್ರಾ ಕಂಪನಿಯು ಶೀಘ್ರದಲ್ಲೇ ಹೊಸ ತಲೆಮಾರಿನ ಸ್ಕಾರ್ಪಿಯೋ ಕಾರನ್ನು ಬಿಡುಗಡೆಗೊಳಿಸಲಿದೆ. ಹೊಸ ಸ್ಕಾರ್ಪಿಯೋ ಬಿಡುಗಡೆಯಾದ ನಂತರ ಈ ಎಸ್‌ಯುವಿಯ ಮಾರಾಟವು ಏರಿಕೆಯಾಗುವ ನಿರೀಕ್ಷೆಗಳಿವೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಥಾರ್ ಎಸ್‌ಯುವಿಯು ಈ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದೆ. 2019ರ ಡಿಸೆಂಬರ್‌ ತಿಂಗಳಿನಲ್ಲಿ ಕೇವಲ 2 ಯುನಿಟ್‌ಗಳಿದ್ದ ಥಾರ್ ಎಸ್‌ಯುವಿಯ ಮಾರಾಟವು 2020ರ ಡಿಸೆಂಬರ್‌ನಲ್ಲಿ 2,670 ಯುನಿಟ್‌ಗಳಿಗೆ ಏರಿಕೆಯಾಗಿದೆ.

2020ರ ಅಕ್ಟೋಬರ್‌ನಲ್ಲಿ ಹೊಸ ತಲೆಮಾರಿನ ಥಾರ್ ಎಸ್‌ಯುವಿ ಬಿಡುಗಡೆಯಾದಾಗಿನಿಂದ ಈ ಎಸ್‌ಯುವಿಯ ಮಾರಾಟವು ಹೆಚ್ಚುತ್ತಿದೆ. ಎಕ್ಸ್‌ಯುವಿ 500 ಈ ಪಟ್ಟಿಯಲ್ಲಿ ಐದನೇ ಸ್ಥಾನದಲ್ಲಿದೆ. 2019ರ ಡಿಸೆಂಬರ್‌ನಲ್ಲಿ 1,399 ಯೂನಿಟ್'ಗಳಷ್ಟಿದ್ದ ಎಕ್ಸ್‌ಯುವಿ 500 ಮಾರಾಟವು 2020ರ ಡಿಸೆಂಬರ್‌ನಲ್ಲಿ 750 ಯೂನಿಟ್'ಗಳಿಗೆ ಇಳಿದಿದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಮಹೀಂದ್ರಾ ಕಂಪನಿಯು ಶೀಘ್ರದಲ್ಲಿಯೇ ಎಕ್ಸ್‌ಯುವಿ 500 ಎಸ್‌ಯುವಿಯ ಹೊಸ ತಲೆಮಾರಿನ ಮಾದರಿಯನ್ನು ಬಿಡುಗಡೆಗೊಳಿಸಲಿದೆ. ಈ ಎಸ್‌ಯುವಿಯು ಏಪ್ರಿಲ್ ತಿಂಗಳಿನಲ್ಲಿ ಬಿಡುಗಡೆಯಾಗುವ ಸಾಧ್ಯತೆಗಳಿವೆ.

ಹೊಸ ತಲೆಮಾರಿನ ಮಾದರಿಯು ಬಿಡುಗಡೆಯಾದ ನಂತರ ಎಕ್ಸ್‌ಯುವಿ 500 ಮಾರಾಟ ಪ್ರಮಾಣವು ಹೆಚ್ಚಾಗುವ ನಿರೀಕ್ಷೆಗಳಿವೆ. ಮರಾಜೋ ಎಂಪಿವಿ ಈ ಪಟ್ಟಿಯಲ್ಲಿ ಆರನೇ ಸ್ಥಾನದಲ್ಲಿದೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಮರಾಜೋ ಕಾರಿನ ಮಾರಾಟವು 2020ರ ಡಿಸೆಂಬರ್‌ ತಿಂಗಳಿನಲ್ಲಿ 161 ಯೂನಿಟ್'ಗಳಿಗೆ ಇಳಿದಿದೆ. ಈ ಪ್ರಮಾಣವು 2019ರ ಡಿಸೆಂಬರ್‌ ತಿಂಗಳಿನಲ್ಲಿ 1,292 ಯೂನಿಟ್'ಗಳಾಗಿತ್ತು. ಇದರಿಂದಾಗಿ ಮರಾಜೋ ಕಾರಿನ ಮಾರಾಟ ಪ್ರಮಾಣವು 88%ನಷ್ಟು ಕುಸಿದಿದೆ.

ಕೆಯುವಿ 100, ಈ ಪಟ್ಟಿಯಲ್ಲಿ ಏಳನೇ ಸ್ಥಾನದಲ್ಲಿದೆ. 2019ರ ಡಿಸೆಂಬರ್‌ನಲ್ಲಿ 35 ಯೂನಿಟ್'ಗಳಷ್ಟಿದ್ದ ಕೆಯುವಿ 100 ಕಾರಿನ ಮಾರಾಟವು 2020ರ ಡಿಸೆಂಬರ್‌ನಲ್ಲಿ 16 ಯೂನಿಟ್ಗಳಿಗೆ ಕುಸಿದಿದೆ. ಇದರಿಂದ ಮಾರಾಟ ಪ್ರಮಾಣವು 54%ನಷ್ಟು ಕುಸಿದಿದೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಆಲ್ಟುರಾಸ್ ಜಿ 4 ಎಸ್‌ಯುವಿಯು ಈ ಪಟ್ಟಿಯಲ್ಲಿ ಎಂಟನೇ ಹಾಗೂ ಕೊನೆಯ ಸ್ಥಾನದಲ್ಲಿದೆ. 2020ರ ಡಿಸೆಂಬರ್‌ನಲ್ಲಿ ಆಲ್ಟುರಾಸ್ ಜಿ 4ನ ಕೇವಲ 9 ಯುನಿಟ್‌ಗಳು ಮಾರಾಟವಾಗಿವೆ. 2019ರ ಡಿಸೆಂಬರ್‌ನಲ್ಲಿ 123 ಯುನಿಟ್‌ಗಳು ಮಾರಾಟವಾಗಿದ್ದವು.