ಅತ್ಯಾಧುನಿಕ ಫೀಚರ್ಸ್‌ಗಳೊಂದಿಗೆ ಬಿಡುಗಡೆಯಾಗಲಿದೆ ಹೊಸ ಎಂಜಿ ಒನ್ ಎಸ್‍ಯುವಿ

ಹೊಸ ಎಂಜಿ ಕಂಪನಿಯು ಒನ್ ಎಸ್‍ಯುವಿಯನ್ನು ಇದೇ ತಿಂಗಳ 30ರಂದು ಜಾಗತಿಕ ಮಟ್ಟದಲ್ಲಿ ಪರಿಚಯಿಸಲಿದೆ. ಎಂಜಿ ಒನ್ ಎಸ್‌ಯುವಿಯ ಮಾಹಿತಿಗಳು ಈಗಾಗಲೇ ಚೀನಾದಲ್ಲಿ ಸೋರಿಕೆಯಾಗಿದೆ. ಹೊಸ ಎಂಜಿ ಒನ್ ಎಸ್‍ಯುವಿಯು ಆಲ್-ಇನ್-ಒನ್ ಮಾಡ್ಯುಲರ್ ಪ್ಲಾಟ್‌ಫಾರ್ಮ್‌ನ ಬ್ರ್ಯಾಂಡ್‌ನ ಹೊಸ ಸಿಗ್ಮಾ ಆರ್ಕಿಟೆಕ್ಚರ್ ಅನ್ನು ಆಧರಿಸಿದೆ. ಪ್ರಬಲವಾದ ಚಿಪ್ ಟೆಕ್, ಆಕ್ಟಿವ್ ಡಿಜಿಟಲ್ ಇಕೋ ಸಿಸ್ಟಮ್, ಸುಧಾರಿತ ಎಲೆಕ್ಟ್ರಿಕ್ ಆರ್ಕಿಟೆಕ್ಚರ್ ಮತ್ತು ಹಾರ್ಡ್-ಕೋರ್ ಸಾಫ್ಟ್‌ವೇರ್ ತಂತ್ರಜ್ಞಾನದಂತಹ ಸುಧಾರಿತ ತಂತ್ರಜ್ಞಾನವನ್ನು ಈ ಪ್ಲಾಟ್‌ಫಾರ್ಮ್ ಹೊಂದಿಕೊಳ್ಳುತ್ತದೆ.

ಹೊಸ ಎಂಜಿ ಒನ್ ಎಸ್‍ಯುವಿಯು ಅಗ್ರೇಸಿವ್ ಸ್ಟೈಲಿಂಗ್ ಮತ್ತು ಸ್ಪೋರ್ಟಿ ವಿನ್ಯಾಸವನ್ನು ಹೊಂದಿದೆ. ಈ ಎಸ್‍ಯುವಿಯು ಬಲವಾದ ಯುರೋಪಿಯನ್ ಶೈಲಿಯ ಪ್ರೀಮಿಯಂ ಸ್ಪೋರ್ಟಿ ಸ್ಪರ್ಶವನ್ನು ಹೊಂದಿದೆ.

ಇನ್ನು ಈ ಎಂಜಿ ಎಸ್‍ಯುವಿಯ ಒಳಬಾಗವು ಹೆಚ್ಚು ಪ್ರೀಮಿಯಂ ಆಗಿದೆ. ಎಂಜಿ ಒನ್‌ನ ಚಿತ್ರಗಳು ಕೂಪೆ-ಎಸ್‌ಯುವಿ ವಿನ್ಯಾಸವನ್ನು ಬಹಿರಂಗಪಡಿಸುತ್ತವೆ. ಇದನ್ನು ಡ್ಯುಯಲ್ ಟೋನ್ ಆರೆಂಜ್ ಮತ್ತು ಬ್ಲ್ಯಾಕ್ ಬಣ್ಣಗಳಿಂದ ಕೂಡಿದೆ.

ಈ ಎಂಜಿ ಒನ್ ಎಸ್‍ಯುವಿಯ ಮುಂಭಾಗವು ವಿಶಾಲವಾದ ಗ್ರಿಲ್, ಕೋನೀಯ ಎಲ್ಇಡಿ ಹೆಡ್‌ಲ್ಯಾಂಪ್‌ಗಳು ಮತ್ತು ತೀಕ್ಷ್ಣವಾದ ಬಂಪರ್ ಹೊಂದಿದೆ. ಪ್ರಮುಖ ಕ್ರೀಸ್‌ಗಳು ಬಾನೆಟ್‌ನಲ್ಲಿ ಮತ್ತು ಸೈಡ್ ಪ್ರೊಫೈಲ್‌ನಲ್ಲಿ ಸಹ ಗೋಚರಿಸುತ್ತವೆ.

ಈ ಹೊಸ ಎಸ್‍ಯುವಿಯು ವ್ಯತಿರಿಕ್ತ ರೂಫ್ ರೈಲ್ ಗಳನ್ನು ಹೊಂದಿದೆ. ಬ್ಲ್ಯಾಕ್ ಪ್ಲಾಸ್ಟಿಕ್ ಕ್ಲಾಡಿಂಗ್ ಅನ್ನು ಬಾಡಿಯ ಸುತ್ತಲೂ ಕಾಣಬಹುದು, ಇದರ ವ್ಹೀಲ್ ಕಮಾನುಗಳು ಸ್ಪೋರ್ಟಿ ಪ್ರೊಫೈಲ್ ನೀಡುತ್ತದೆ. ಈ ಎಸ್‍ಯುವಿ ಐದು-ಸ್ಪೋಕ್ ಅಲಾಯ್ ವ್ಹೀಲ್ ಗಳನ್ನು ಸಹ ಪಡೆಯುತ್ತದೆ

ಕೂಪ್ ತರಹದ ಸ್ಟೈಲಿಂಗ್ ಅನ್ನು ಒಳಗೊಂಡಿರುವ ಕಾರಣ ಹಿಂಭಾಗದ ಪ್ರೊಫೈಲ್ ಪ್ರಮುಖವಾಗಿ ಕಾಣುತ್ತದೆ. ಈ ಎಸ್‍ಯುವಿಯು ಮ್ ಎಲ್ಇಡಿ ಟೈಲ್-ಲ್ಯಾಂಪ್ ಗಳು, ಬೂಟ್ ಲಿಡ್ ಬಲವಾದ ಕ್ರೀಸ್‌ಗಳು ಮತ್ತು ಹೈ-ಮೌಂಟೆಡ್ ಸ್ಟಾಪ್ ಲ್ಯಾಂಪ್ ಅನ್ನು ಪಡೆಯುತ್ತದೆ. ಇನ್ನು ಎಕ್ಸಾಟ್ ಪೈಪ್ ಗಳೊಂದಿಗೆ ಡ್ಯುಯಲ್-ಟೋನ್ ಬಂಪರ್ ಪಡೆಯುತ್ತದೆ.

ಎಂಜಿ ಒನ್ ಎಸ್‍ಯುವಿಯು 4,579 ಎಂಎಂ ಉದ್ದ, 1,866 ಎಂಎಂ ಅಗಲ ಮತ್ತು 1,609 ಎಂಎಂ ಎತ್ತರವನ್ನು ಹೊಂದಿದೆ. ಇನ್ನು ಈ ಎಸ್‍ಯುವಿಯು 2,670 ಎಂಎಂ ವ್ಹೀಲ್‌ಬೇಸ್ ಹೊಂದಿದೆ ಎಂದು ವರದಿಗಳಾಗಿದೆ.

ಈ ಎಸ್‍ಯುವಿಯಲ್ಲಿ 1.5 ಎಲ್ 4-ಸಿಲಿಂಡರ್ ಟರ್ಬೊ-ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿರಬಹುದು. ಈ ಎಂಜಿನ್ 178 ಬಿಹೆಚ್‌ಪಿ ಪವರ್ ಮತ್ತು 250-260 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಎಂಜಿನ್ ನೊಂದಿಗೆ 6-ಸ್ಪೀಡ್ ಎಂಟಿ ಮತ್ತು ಡ್ಯುಯಲ್-ಕ್ಲಚ್ ಆಟೋಮ್ಯಾಟಿಕ್ ಅನ್ನು ಒಳಗೊಂಡಿರಬಹುದು.