ಟೆಸ್ಟ್ ಡ್ರೈವ್ ನೆಪದಲ್ಲಿ ರೂ. 19 ಲಕ್ಷ ಮೌಲ್ಯದ ಕ್ರೆಟಾ ಕಾರನ್ನೇ ಎಗರಿಸಿದ ಖರೀದಿಮರು..!

ಹೌದು, ಕಾರು ಖರೀದಿಯ ನೆಪ ಮಾಡಿಕೊಂಡು ಬಂದಿದ್ದ ಮೂವರು ಖರೀದಿಮರು ಟೆಸ್ಟ್ ಡ್ರೈವ್‌ಗೆ ಅಂತಾ ತೆಗೆದುಕೊಂಡು ಹೋದ ಹೊಸ ಕಾರನ್ನೇ ಎಗರಿಸಿದ್ದು, ಡೀಲರ್ಸ್ ಸಿಬ್ಬಂದಿಗೆ ಪಿಸ್ತೂಲ್ ತೊರಿಸಿ ಹೊಸ ಕಾರಿನೊಂದಿಗೆ ಎಸ್ಕೇಪ್ ಆಗಿದ್ದಾರೆ. ಗ್ರೆಟರ್ ನೋಯ್ಡಾದಲ್ಲಿ ಈ ಘಟನೆ ನಡೆದಿದ್ದು, ಶೋರೂಂಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಸೆರೆಯಾದ ಸಿಸಿಟಿವಿ ದ್ಯಶ್ಯಾವಳಿಗಳನ್ನು ಆಧರಿಸಿ ಖದೀಮರಿಗೆ ಪೊಲೀಸರು ಬಲೆ ಬೀಸಿದ್ದಾರೆ.

ಕಳೆದ ರವಿವಾರವೇ ಈ ಘಟನೆ ನಡೆದಿದ್ದು, ಗ್ರೇಟರ್ ನೋಯ್ಡಾದ ಕಾಸ್ನಾ ಪ್ರದೇಶದಲ್ಲಿ ಹ್ಯುಂಡೈ ಮೋಟಾರ್ಸ್ ಶೋರೂಂನಿಂದ ಕ್ರೆಟಾ ಹೈ ಎಂಡ್ ಕಾರನ್ನು ಟೆಸ್ಟ್ ಡ್ರೈವ್ ಮಾಡಲು ತೆಗೆದುಕೊಂಡ ಹೋದ ಖದೀಮರು ಮಾರ್ಗ ಮಧ್ಯದಲ್ಲಿ ಪಿಸ್ತೂಲು ತೆಗದು ಶೋರೂಂ ಸಿಬ್ಬಂದಿಗೆ ಹೆದರಿಸಿ ಕಾರು ಕಳ್ಳತನ ಮಾಡಿದ್ದಾರೆ.

ಸಾಮಾನ್ಯವಾಗಿ ಟೆಸ್ಟ್ ಕಾರುಗಳಲ್ಲಿ ಶೋರೂಂ ಕಡೆಯಿಂದ ಓರ್ವ ಸಿಬ್ಬಂದಿ ಇದ್ದೆ ಇರುತ್ತಾರೆ. ಹೀಗಾಗಿ ಕ್ರೆಟಾ ಕಾರನ್ನು ಕಳ್ಳತನ ಮಾಡಲೇಬೇಕೆಂದು ಮೊದಲೇ ಪ್ಲ್ಯಾನ್ ಮಾಡಿಕೊಂಡ ಬಂದಿದ್ದ ಖರೀದಿಮರು ಅಂದು ಟೆಸ್ಟ್ ಡ್ರೈವ್ ಸಿಬ್ಬಂದಿಯನ್ನ ಪುಸಲಾಯಿಸಿ ಕೆಳಗೆ ಇಳಿಸಿದ್ದಲ್ಲದೇ ಒಳಗಿನಿಂದಲೇ ಕುಳಿತು ಪಿಸ್ತೂಲು ತೋರಿಸಿ ಹೆದರಿಸಿದ್ದಾರೆ.

ಇದಕ್ಕೂ ಮುನ್ನ ಹತ್ತೇ ನಿಮಿಷದಲ್ಲಿ ಒಂದೇರಡು ರೌಂಡ್ ಹಾಕಿಕೊಂಡ ಬರುವುದಾಗಿ ಹೇಳಿದ ಖದೀಮರು ಶೋರೂಂ ಸಿಬ್ಬಂದಿಗೆ ಯಾವುದೇ ಅನುಮಾನ ಬರದಂತೆ ಮಾತುಕತೆ ನಡೆಸಿದ್ದರು. ಖದೀಮರ ಮಾತನ್ನೇ ನಂಬಿದ ಶೋರೂಂ ಸಿಬ್ಬಂದಿ ಈ ಗ್ರಾಹಕರು ನಿಜವಾಗಿಯೂ ಕಾರು ಮಾಡಲೇ ಬಂದಿದ್ದಾರೆ ಎಂದು ನಂಬಿ ಕಾರಿನ ಕೀ ನೀಡಿದ್ದಾರೆ.

ಕೀ ಸಿಕ್ಕ ತಕ್ಷಣವೇ ಕಾರಿನ ಸಮೇತ ದೆಹಲಿ ಕಡೆಗೆ ಪರಾರಿಯಾಗಿದ್ದು, ತಕ್ಷಣವೇ ಪೊಲೀಸ್ ಠಾಣೆಗೆ ತೆರಳಿ ಘಟನೆಯನ್ನು ವಿವರಿಸಿದ ಶೋರೂಂ ಸಿಬ್ಬಂದಿ ಕಾರು ಖರೀದಿಮ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.

ಪೊಲೀಸರಿಗೂ ಸುಳಿವು ಸಿಗದಂತೆ ಮೊದಲೇ ಎಲ್ಲಾ ಪ್ಲ್ಯಾನ್ ಮಾಡಿಕೊಂಡೆ ಬಂದಿದ್ದರಿಂದ ಖರೀದಿಮರು ಶೋರೂಂ ಸಿಬ್ಬಂದಿಗೆ ಸುಳ್ಳು ಹೆಸರು ಹೇಳಿದ್ದಲ್ಲದೇ ವಾಸ್ತವದಲ್ಲಿ ಇಲ್ಲದೇ ಇರುವ ವಿಳಾಸ ನೀಡಿದ್ದಾರೆ. ಇದನ್ನೇ ನಿಜ ಎಂದುಕೊಂಡಿದ್ದ ಶೋರೂಂ ಸಿಬ್ಬಂದಿಗೆ ಕಾರು ಕಳ್ಳತನವಾದಾಗಲೇ ದಾಖಲು ಮಾಡಿರುವ ಮಾಹಿತಿ ಎಲ್ಲವು ಸುಳ್ಳು ಎಂಬುವುದು ಗೊತ್ತಾಗಿದೆ.

ಸದ್ಯ ಪ್ರಕರಣ ದಾಖಲಿಸಿಕೊಂಡು ಖದೀಮರಿಗೆ ಬಲೆ ಬಿಸಿರುವ ಕಾಸ್ನಾ ಪೊಲೀಸರು ಸಿಸಿಟಿವಿ ದಾಖಲಾಗಿರುವ ದೃಶ್ಯಗಳನ್ನು ಆಧಾರವಾಗಿಟ್ಟು ಖದೀಮ ಮೂಲವನ್ನು ಪತ್ತೆ ಹಚ್ಚುತ್ತಿದ್ದಾರೆ. ಆದ್ರೆ ಏನೇ ಆಗಲಿ ಕಾರು ಕಳ್ಳತನ ತಡೆಯಲು ಪ್ರಸ್ತುತ ಕಾರು ಮಾರುಕಟ್ಟೆಯಲ್ಲಿ ಹತ್ತಾರು ಹೊಸ ತಂತ್ರಜ್ಞಾನಗಳನ್ನು ಪರಿಚಯಿಸಲಾಗುತ್ತಿದ್ದರೂ ಸಹ ಖರೀದಿಮರು ಮಾತ್ರ ರಂಗೋಲಿ ಕೆಳಗೆ ನುಗ್ಗುವ ಪ್ರಯತ್ನ ಮಾಡುತ್ತಿರುವುದಕ್ಕೆ ಈ ಘಟನೆಯೇ ಸಾಕ್ಷಿ.

MOST READ: ಹೊಸ ಕಾರು ವಿತರಣೆಯಲ್ಲಿ ವಿಳಂಬ- ಜೀಪ್ ಡೀಲರ್ಸ್‌ಗೆ ಬಿತ್ತು ರೂ. 50 ಸಾವಿರ ದಂಡ..!

ಇನ್ನು ಕಾರು ಖರೀದಿಮರು ಎಗರಿಸಿರುವು ಕ್ರೆಟಾ ಕಾರು ಪ್ರಸ್ತುತ ಮಾರುಕಟ್ಟೆಯಲ್ಲಿ ಅತ್ಯುತ್ತಮ ತಾಂತ್ರಿಕ ಸೌಲಭ್ಯಗಳನ್ನು ಹೊಂದಿರುವ ಕಂಪ್ಯಾಕ್ಟ್ ಎಸ್‌ಯುವಿ ಮಾದರಿಯಾಗಿದ್ದು, ಆನ್ ರೋಡ್ ಬೆಲೆಗಳ ಪ್ರಕಾರ ಹೊಸ ಕಾರು ಆರಂಭಿಕಲಾಗಿ ರೂ.12.79 ಲಕ್ಷ ಮತ್ತು ಟಾಪ್ ಎಂಡ್ ಆವೃತ್ತಿ ರೂ. 18.62 ಲಕ್ಷ ಬೆಲೆ ಪಡೆದುಕೊಂಡಿದೆ.

ಇದರಲ್ಲಿ ಟಾಪ್ ಎಂಡ್ ಆವೃತ್ತಿಯಾದ 1.6 ಎಸ್‌ಎಕ್ಸ್ ಎಕ್ಸಿಕ್ಯೂಟಿವ್ ಡೀಸೆಲ್ ಆವೃತ್ತಿಯನ್ನೇ ಎಗರಿಸಲಾಗಿದ್ದು, ಕಾರಿನಲ್ಲಿ ನೀಡಲಾಗಿರುವ ಕೆಲವು ಅತ್ಯಾಧುನಿಕ ಆ್ಯಂಟಿ ಥೆಪ್ಟ್ ತಂತ್ರಜ್ಞಾನ ಸೌಲಭ್ಯಗಳೇ ಇದೀಗ ಕಳ್ಳತನವಾದ ಕಾರನ್ನು ಹಡುಕಲು ಪೊಲೀಸರಿಗೆ ಸಹಕಾರಿಯಾಗುವುದರಲ್ಲಿ ಯಾವುದೇ ಅನುಮಾನವಿಲ್ಲ.

MOST READ: ನಿಮ್ಮ ವಾಹನಗಳ ಮೈಲೇಜ್ ಕಡಿತವಾಗುತ್ತಿರುವುದಕ್ಕೆ ಅಸಲಿ ಕಾರಣ ಏನು ಗೊತ್ತಾ?

ಹೀಗಾಗಿ ಇಂತಹ ಖದೀಮರ ಬಗೆಗೆ ಎಚ್ಚರವಾಗಿ ಇರಬೇಕಾದ ಅವಶ್ಯಕತೆಗಳಿದ್ದು, ಯಾವುದೇ ಕಾರಣಕ್ಕೂ ಎಲ್ಲೆಂದರಲ್ಲೇ ವಾಹನಗಳನ್ನು ಪಾರ್ಕ್ ಮಾಡುವುದಾಗಲಿ, ವಾಹನಗಳನ್ನು ಮರು ಮಾಡುವಾಗ ವಾಹನ ಖರೀದಿಗೆ ಬರುವ ಗ್ರಾಹಕರಿಗೆ ಟೆಸ್ಟ್ ನೀಡುವಾಗ ಇಂತಹ ವ್ಯಕ್ತಿಗಳ ಬಗೆಗೆ ಮುಂಜಾಗ್ರತೆ ವಹಿಸುವುದು ಒಳಿತು.