ಹೊಸ ಅಪ್ಡೇಟ್‍ನೊಂದಿಗೆ ಬಿಡುಗಡೆಯಾದ ಜನಪ್ರಿಯ ಟಿವಿಎಸ್ ವಿಕ್ಟರ್ 110 ಬೈಕ್

ಎಸ್‍ಬಿಟಿ ಹೊಂದಿರುವ 2019ರ ಟಿವಿಎಸ್ ಬೆಲೆ ವಿವರ

ಸಿಂಕ್ರೊನೈಸ್ಡ್ ಬ್ರೇಕಿಂಗ್ ಸಿಸ್ಟಂ ಬ್ರೇಕ್ ಅಂತರವನ್ನು ಕಡಿಮೆ ಮಾಡಲು ಮತ್ತು ಬೈಕುವನ್ನು ನಿಲ್ಲಿಸಲು ಸ್ಥಿರತೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಹಿಂದಿನ ಬ್ರೇಕ್ ಅನ್ನು ಅನ್ವಯಿಸಿದಾಗ ಸ್ವಯಂಚಾಲಿತವಾಗಿ ಮುಂಭಾಗದ ಬ್ರೇಕ್ ಅನ್ನು ಎಸ್‍ಬಿಟಿ ತೊಡಗಿಸುತ್ತದೆ ಎಂದು ಟಿವಿಎಸ್ ಹೇಳಿಕೊಂಡಿದೆ. ಟಿವಿಎಸ್ ಪ್ರಕಾರ ಸಿಂಕ್ರೊನೈಸ್ಡ್ ಬ್ರೇಕಿಂಗ್ ಟೆಕ್ನಾಲಜಿಯು ಬ್ರೇಕಿಂಗ್ ಅಂತರವನ್ನು ನಿಯಮಿತ ಬ್ರೇಕ್ ಸೆಟಪ್‍ಗಳಿಗೆ ಹೋಲಿಸಿದಾಗ ಸುಮಾರು 10 ಪ್ರತಿಶತದಷ್ಟು ಕಡಿಮೆಗೊಳಿಸುತ್ತದೆ.

ಎಂಜಿನ್ ಸಾಮರ್ಥ್ಯ

ಸಿಂಕ್ರಿನೈಸ್ಡ್ ಬೆಕಿಂಗ್ ಸಿಸ್ಟಂ ಅನ್ನು ಹೊರತು ಪಡಿಸಿ ಹೊಸ ಟಿವಿಎಸ್ ವಿಕ್ಟರ್ 110 ಬೈಕಿನಲ್ಲಿ ಬೇರಾವುದೇ ಮಾರ್ಪಾಡುಗಳನ್ನು ಮಾಡಲಿಲ್ಲ ಎನ್ನಲಾಗಿದೆ. ತಾಂತ್ರಿಕವಾಗಿ ಈ ಬೈಕ್ 110ಸಿಸಿ 3 ವೇಲ್ವ್ ಆಯಿಲ್ ಕೂಲ್ಡ್ ಎಂಜಿನ್ ಸಹಾಯದಿಂದ 9.37 ಬಿಹೆಚ್‍ಪಿ ಮತ್ತು 9.4ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಗುಣವನ್ನು ಹೊಂದಿದೆ.

ಮೈಲೇಜ್

ಟಿವಿಎಸ್ ಬೈಕ್‍ಗಳು ಎಂದರೆಯೆ ನೆನಪಾಗುವುದು ಅವುಗಳು ನೀಡುವ ಮೈಲೇಜ್ 4 ಸ್ಪೀಡ್ ಗೇರ್‍‍ಬಾಕ್ಸ್ ಜೋಡಣೆ ಹೊಂದಿರುವ ಈ ಬೈಕಿನ ಎಂಜಿನ್ ಒಂದು ಲೀಟರ್ ಪೆಟ್ರೋಲ್‍ಗೆ ಸುಮಾರು 72 ಕಿಲೋಮೀಟರ್‍‍ನ ಮೈಲೇಜ್ ನೀಡಬಲ್ಲದು. ಇದೇ ಮೈಲೇಜ್ ಅನ್ನು ಸಂಸ್ಥೆಯು ಇತ್ತೀಚೆಗೆ ಬಿಡುಗಡೆ ಮಾಡಿರುವ ರೇಡಿಯಾನ್ ಬೈಕ್‍ಗಳಲ್ಲಿಯೂ ಸಹ ಕಾಣಬಹುದಾಗಿದೆ.

ಸಿಂಕ್ರೊನೈಸ್ಡ್ ಬೆಕಿಂಗ್ ಸಿಸ್ಟಂ ಹೊತ್ತು ಬಿಡುಗಡೆಗೊಂಡ ಟಿವಿಎಸ್ ವಿಕ್ಟರ್ 110 ಬೈಕ್ ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಅಪ್‍ಫ್ರಂಟ್ ಮತ್ತು ಹಿಂಭಾಗದಲ್ಲಿ ಡ್ಯುಯಲ್ ಶಾಕ್ ಅಬ್ಸಾರ್ಬರ್ ಅನ್ನು ಒದಗಿಸಲಾಗಿದೆ. ಇದರಲ್ಲಿ ನೀಡಿರುವ ಸಸ್ಪೆಂಷನ್ ಸೆಟಪ್ ಮತ್ತು ಸೀಟ್‍ಗಳು ರೈಡರ್ ಮತ್ತು ಪಿಲಿಯಾನ್ ರೈಡರ್‍‍ಗೆ ಪ್ರಯಾಣದ ವೇಳೆ ಆರಾಮದಾಯಕವಾದ ಅನುಭವವನ್ನು ನೀಡುತ್ತದೆ.

ಇದಲ್ಲದೇ ಹೊಸ ಟಿವಿಎಸ್ ವಿಕ್ಟರ್ 110 ಬೈಕ್‍ಗಳು ಟ್ಯೂಬ್‍ಲೆಸ್ ಟೈರ್ ಆಧಾರಿತ ಅಲಾಯ್ ವ್ಹೀಲ್ಸ್ ಅನ್ನು ಸಹ ಪಡೆದುಕೊಂಡಿದ್ದು, ಎರಡೂ ಬದಿಯಲ್ಲಿ ಡ್ರಂ ಬ್ರೇಕ್ ಮತ್ತು ಮುಂಭಾಗದಲ್ಲಿ ಅಥವಾ ಹಿಂಭಾಗದಲ್ಲಿ ಡಿಸ್ಕ್ ಬ್ರೆಕ್ ಹೊಂದಿರುವ ಆಯ್ಕೆಗಳಲ್ಲಿ ಕೂಡಾ ಖರೀದಿಗೆ ಲಭ್ಯವಿದೆ.

ಇವುಗಳಲ್ಲದೇಯೆ ಈ ಬೈಕಿನಲ್ಲಿ ಕ್ರೋಮ್ ಸೈಡ್ ಕವರ್ಸ್, ಕ್ರ್ಯಾಶ್ ಗಾರ್ಡ್, ಗೋಲ್ಡೆನ್ ಎಂಜಿನ್ ಕೇಸ್ ಕವರ್, ಶ್ತೈಲಿಷ್ ಗ್ರಾಫಿಕ್ಸ್ ಮತ್ತು ಡ್ಯುಯಲ್ ಟೋನ್ ಸೀಟ್ ಅನ್ನು ಪ್ರೀಮಿಯಂ ಎಡಿಷನ್‍ನಲ್ಲಿ ನೀಡಲಾಗಿದೆ. ಟಿವಿಎಸ್ ವಿಕ್ಟರ್ 110 ಬೈಕ್ ಮಾರುಕಟ್ಟೆಯಲ್ಲಿರುವ ಹೀರೋ ಪ್ಯಾಶನ್ ಎಕ್ಸ್ ಪ್ರೋ ಮತ್ತು ಹೋಂಡಾ ಲಿವೊ ಬೈಕ್‍ಗಳಿಗೆ ಪೈಪೋಟಿ ನೀಡಲಿದೆ.