ಸ್ಕೂಟರ್‌ಗಳನ್ನು ಗುತ್ತಿಗೆಗೆ ನೀಡಲಿದೆ ಈ ಜನಪ್ರಿಯ ದ್ವಿಚಕ್ರ ವಾಹನ ಕಂಪನಿ

ಮಾರ್ಚ್ ತಿಂಗಳಲ್ಲಿ ಜಾರಿಗೊಳಿಸಲಾದ ಲಾಕ್ ಡೌನ್ ಕಾರಣದಿಂದಾಗಿ ಹಲವಾರು ಕಂಪನಿಗಳು ಒಂದೇ ಒಂದು ಯುನಿಟ್ ವಾಹನವನ್ನು ಸಹ ಮಾರಾಟ ಮಾಡಲು ಸಾಧ್ಯವಾಗಲಿಲ್ಲ. ಇದರಿಂದಾಗಿ ಭಾರತದ ಆರ್ಥಿಕ ವ್ಯವಸ್ಥೆಯ ಬೆನ್ನೆಲುಬಾಗಿರುವ ಆಟೋ ಮೊಬೈಲ್ ಉದ್ಯಮವು ತೀವ್ರ ಸಂಕಷ್ಟಕ್ಕೀಡಾಯಿತು. ಈ ಪರಿಸ್ಥಿತಿಯಿಂದ ಚೇತರಿಸಿಕೊಳ್ಳಲು ವಾಹನ ತಯಾರಕ ಕಂಪನಿಗಳು ಹಲವಾರು ಕೊಡುಗೆಗಳನ್ನು ನೀಡುತ್ತಿವೆ.

ಪಿಯಾಜಿಯೊ ಕಂಪನಿಯು ಸಹ ಹೊಸ ವಾಹನಗಳ ಮಾರಾಟದ ಜೊತೆಗೆ ಲೀಸ್ ಯೋಜನೆಯನ್ನೂ ಆರಂಭಿಸಿದೆ. ಈ ಯೋಜನೆಯಡಿ ವೆಸ್ಪಾ ಅಥವಾ ಏಪ್ರಿಲಿಯಾಸ್ಕೂಟರ್‌ಗಳನ್ನು ಲೀಸ್ ಗೆ ನೀಡಲು ಕಂಪನಿಯು ಮುಂದಾಗಿದೆ.

MOST READ:ಒಂದು ಸಾವಿರ ರೂಪಾಯಿ ಪಾವತಿಸಿ ಈ ಸ್ಕೂಟರ್ ಬುಕ್ ಮಾಡಿ

ಕಡಿಮೆ ಡೌನ್ ಪೇಮೆಂಟ್ ಹಾಗೂ 30%ನಷ್ಟು ರಿಯಾಯಿತಿ ಸೇರಿದಂತೆ ಹಲವು ಕೊಡುಗೆಗಳನ್ನು ನೀಡುವುದಾಗಿ ಕಂಪನಿ ತಿಳಿಸಿದೆ. ಜನರನ್ನು ಹೆಚ್ಚಿನ ಸಂಖ್ಯೆಯಲ್ಲಿ ಆಕರ್ಷಿಸಲು ಪಿಯಾಜಿಯೊ ಕಂಪನಿಯು ಈ ಕೊಡುಗೆಗಳನ್ನು ಘೋಷಿಸಿದೆ.

ಇದರ ಜೊತೆಗೆ ಹೆಚ್ಚುವರಿ ವಿಶೇಷ ಕೊಡುಗೆಯಾಗಿ ಪಿಯಾಜಿಯೊ ಕಂಪನಿಯು ರೂ.2,500ವರೆಗಿನ ರಿಯಾಯಿತಿಯನ್ನು ಸಹ ಘೋಷಿಸಿದೆ. ಈ ಸೇವೆ ದೇಶದ ಕೆಲವು ನಗರಗಳಲ್ಲಿ ಮಾತ್ರ ಲಭ್ಯವಿರಲಿದೆ. ಈ ಸೇವೆಯನ್ನು ಈಗಾಗಲೇ ಪ್ರಾಯೋಗಿಕ ಆಧಾರದ ಮೇಲೆ ಆರಂಭಿಸಲಾಗಿದೆ.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಪಿಯಾಜಿಯೊ ಲೀಸಿಂಗ್ ಯೋಜನೆಯನ್ನು ಬೆಂಗಳೂರು, ಪುಣೆ ನಗರಗಳಲ್ಲಿ ಆರಂಭಿಸಲಾಗಿದೆ. ಈ ನಗರಗಳಲ್ಲಿ ವಾಸಿಸುವವರು ವೆಸ್ಪಾ ಹಾಗೂ ಏಪ್ರಿಲಿಯಾ ಸ್ಕೂಟರ್‌ಗಳನ್ನು ಲೀಸ್ ಗೆ ಪಡೆಯಬಹುದು. ಈ ಸೇವೆಯನ್ನು ಶೀಘ್ರದಲ್ಲೇ ದೇಶದ ಇತರ ನಗರಗಳಿಗೂ ವಿಸ್ತರಿಸುವ ನಿರೀಕ್ಷೆಗಳಿವೆ.

ಈ ಯೋಜನೆಯ ಅಂತ್ಯದ ವೇಳೆಗೆ ಗ್ರಾಹಕರು ಬಯಸಿದಲ್ಲಿ ಆ ಸ್ಕೂಟರ್ ಅನ್ನು ಹೊಂದಬಹುದು. ಇದು ಮಾತ್ರವಲ್ಲದೇ ಪಿಯಾಜಿಯೊ ಕಂಪನಿಯು ಗ್ರಾಹಕರು ಬಯಸುವ ಮತ್ತೊಂದು ಹೊಸ ಸ್ಕೂಟರ್‌ಗೆ ಬದಲಿಸಿ ಕೊಳ್ಳುವ ಆಯ್ಕೆಯನ್ನು ಸಹ ನೀಡುತ್ತದೆ.

MOSTREAD: ಇನ್ನು ಮುಂದೆ ಈ ಬಣ್ಣದ ಕಾರುಗಳ ನೋಂದಣಿ ಕಾನೂನುಬದ್ದ

ಈ ವಿಶೇಷ ಯೋಜನೆಯನ್ನು ವೆಸ್ಪಾ ಹಾಗೂ ಏಪ್ರಿಲಿಯಾದ ಅಧಿಕೃತ ಡೀಲರ್ ಗಳ ಬಳಿ ಪಡೆಯಬಹುದು. ಇದಕ್ಕಾಗಿ ಪಿಯಾಜಿಯೊ ಕಂಪನಿಯು ಒಟಿಒ ಜೊತೆ ಪಾಲುದಾರಿಕೆಯನ್ನು ಮಾಡಿಕೊಂಡಿದೆ.

ಈ ಸೇವೆಯು ಸಂಪೂರ್ಣವಾಗಿ ಪೇಪರ್ ಲೆಸ್ ಆಗಿರುತ್ತದೆ ಎಂದು ವರದಿಯಾಗಿದೆ. ಒಟಿಒ ಹಾಗೂ ಪಿಯಾಜಿಯೊ ಕಂಪನಿಗಳು ಪೇಪರ್ ಬಳಕೆಯನ್ನು ತಪ್ಪಿಸಲು, ಮರಗಳನ್ನು ಸಂರಕ್ಷಿಸಲು ಹಾಗೂ ಡಿಜಿಟಲ್ ಬಳಕೆಯನ್ನು ಉತ್ತೇಜಿಸಲು ಈ ಕ್ರಮಕ್ಕೆ ಮುಂದಾಗಿವೆ.

MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ

ಪಿಯಾಜಿಯೊ ಕಂಪನಿಯಂತೆ ಇನ್ನೂ ಹಲವಾರು ವಾಹನ ತಯಾರಕ ಕಂಪನಿಗಳು ತಮ್ಮ ವಾಹನಗಳನ್ನು ಗುತ್ತಿಗೆಗೆ ನೀಡಲು ಆರಂಭಿಸಿವೆ. ಈ ಕಂಪನಿಗಳಲ್ಲಿ ಟಾಟಾ ಮೋಟಾರ್ಸ್, ಮಾರುತಿ ಸುಜುಕಿ ಕಂಪನಿಗಳು ಸಹ ಸೇರಿವೆ. ಮಾರಾಟದಲ್ಲಿ ಉಂಟಾಗಿರುವ ಕುಸಿತವನ್ನು ಸರಿದೂಗಿಸಲು ಆಟೋ ಮೊಬೈಲ್ ಕಂಪನಿಗಳು ಈ ಯೋಜನೆಯನ್ನು ಕೈಗೆತ್ತಿಕೊಂಡಿವೆ.