ಇನ್ಮೇಲೆ ಸೆಕೆಂಡ್ ಹ್ಯಾಂಡ್ ಕಾರುಗಳನ್ನು ಸ್ವತಃ ಮಾರುತಿ ಸುಜುಕಿ ಮಾರಾಟ ಮಾಡುತ್ತೆ !!

ಮಾರುತಿ ಟ್ರೂ ವ್ಯಾಲ್ಯೂ ಮಳಿಗೆಯೂ ಮೊದಲ ಬಾರಿಗೆ 2001ರಲ್ಲಿ ಆರಂಭಗೊಂಡಿದ್ದು, ಬಸಲಾದ ಕಾರುಗಳ ಖರೀದಿದಾರರಿಗೆ ಹೆಚ್ಚು ಆಕರ್ಷಕ ಮತ್ತು ಪಾರದರ್ಶಕ ವ್ಯವಹಾರ ವಹಿವಾಟು ನೆಡೆಸುವ ಕಾರ್ಯಕ್ಕೆ ಸಂಪೂರ್ಣ ರೀತಿಯ ಪುನರುಜ್ಜೀವನ ಮಾಡುವ ಕಾರ್ಯಕ್ಕೆ ಕೈಹಾಕಿದೆ.

ಸ್ವತಂತ್ರವಾಗಿರುವ ಟ್ರೂ ವ್ಯಾಲ್ಯೂ ಮಾರಾಟ ಮಳಿಗೆಗಳನ್ನು ಭಾರತದಾದ್ಯಂತ ಸ್ಥಾಪನೆ ಮಾಡಲು ಕಂಪನಿ ಯೋಜನೆ ರೂಪಿಸಿದ್ದು, ಈ ಮಳಿಗೆಗಳಲ್ಲಿ ಸೆಕೆಂಡ್ ಹ್ಯಾಂಡ್ ಮಾರುತಿ ಕಾರುಗಳ ಮಾರಾಟ ಮತ್ತು ಪ್ರದರ್ಶನ ನೆಡೆಸಲಿದೆ.

ಅಲ್ಲದೆ, ಈ ಮಳಿಗೆಗಳನ್ನು ಸಂಪೂರ್ಣ ಡಿಜಿಟಲೀಕರಣ ಮಾಡಲು ಕಂಪನಿ ಉದ್ದೇಶಿಸಿದ್ದು, ಈ ಮೂಲಕ ಗ್ರಾಹಕರು ಸಂಸ್ಥೆಯ ವೆಬ್‌ಸೈಟ್ ಮೂಲಕ ಭಾರತದಾದ್ಯಂತ ಇರುವಂತಹ ಸೆಕೆಂಡ್ ಹ್ಯಾಂಡ್ ಕಾರುಗಳ ಸಂಪೂರ್ಣ ಮಾಹಿತಿ ಪಡೆದುಕೊಳ್ಳಬಹುದಾಗಿದೆ.

"ಹೊಸ ಕಾರು ಖರೀದಿದಾರರು ಪಡೆಯುವ ಅನುಭವವನ್ನು ಪೂರ್ವ ಸ್ವಾಮ್ಯದ ಕಾರುಗಳ ಖರೀದಿ ಮಾಡುವ ಗ್ರಾಹಕರಿಗೂ ಸಹ ನೀಡುವ ಗುರಿ ಹೊಂದಿದೆ ಮತ್ತು ವಿಶಾಲವಾದ ಹೊಸ ಮಳಿಗೆಗಳಲ್ಲಿ ಗ್ರಾಹಕ ಡಿಜಿಟಲ್ ತಂತ್ರಜ್ಞಾನ ಬಳಸಿ, ಗುಣಮಟ್ಟದ ಕಾರುಗಳನ್ನು ಪಡೆದುಕೊಳ್ಳಬಹುದು ಮತ್ತು ಖಾತರಿ ಭರವಸೆಯನ್ನು ಹೊಂದಬಹುದು" ಎಂದು ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಕೆನಿಚಿ ಶಿಂಜಿ ತಿಳಿಸಿದರು.

Recommended Video

TVS Jupiter Classic Launched In India | In Kannada - DriveSpark ಕನ್ನಡ

ಬದಲಾವಣೆ ಕಡೆ ದಿಟ್ಟ ಹೆಜ್ಜೆ ಇಟ್ಟಿರುವ ಮಾರುತಿ ಸುಜುಕಿ ಸಂಸ್ಥೆಯು, ಹೊಸ ಉತ್ಪನ್ನ, ಮಾರಾಟ ಮತ್ತು ಸೇವೆಗೆ ನೆಕ್ಸಾ ಷೋ ರೂಂ ಹೊರತಂದಿದೆ. ಇವುಗಳ ಜೊತೆ ಮಾರುತಿ ಸುಜುಕಿ ಸೆಕೆಂಡ್ ಹ್ಯಾಂಡ್ ಮಾರಾಟದ ಕಡೆಗೂ ಗಮನಹರಿಸಿದ್ದು, ಟ್ರೂ ವ್ಯಾಲ್ಯೂ ಮಾರಾಟ ಮಳಿಗೆಗಳನ್ನು ಸ್ಥಾಪನೆ ಮಾಡಲಿದೆ.

ಗುಣಮಟ್ಟ ಮತ್ತು ವಿಶ್ವಾಸಾರ್ಹತೆ ಖಚಿತಪಡಿಸಿಕೊಳ್ಳಲು, ಪೂರ್ವ ಸ್ವಾಮ್ಯದ ಸುಜುಕಿ ಮಾರುತಿ ಕಾರುಗಳನ್ನು ಎಚ್ಚರಿಕೆಯಿಂದ ಆಯ್ಕೆ ಮಾಡಲಿದ್ದು, ಮಾರುತಿ ಸುಜುಕಿ ಕಾರ್ಯಾಗಾರಗಳಲ್ಲಿ ನವೀಕರಿಸಿದ ನಂತರ ಮಾರಾಟ ಮಾಡಲಾಗುತ್ತದೆ. ಈ ಕಾರುಗಳು ಖಾತರಿ ಮತ್ತು ಉಚಿತ ಸೇವೆಗಳನ್ನು ಪಡೆದುಕೊಳ್ಳಲಿವೆ.