ಟಾಟಾ ಕಾರುಗಳಂತೆ ಕ್ರ್ಯಾಶ್ ಟೆಸ್ಟ್‌ನಲ್ಲಿ ಗರಿಷ್ಠ ಸುರಕ್ಷತಾ ರೇಟಿಂಗ್ ಪಡೆದುಕೊಂಡ ಹ್ಯುಂಡೈ ಕ್ರೆಟಾ

ಜನಪ್ರಿಯ ಕಾರು ತಯಾರಕ ಕಂಪನಿಯಾದ ಹ್ಯುಂಡೈ ಈ ವರ್ಷದ ಆರಂಭದಲ್ಲಿ ಇಂಡೋನೇಷ್ಯಾ ಮಾರುಕಟ್ಟೆಯಲ್ಲಿ ಹೊಸ ಕ್ರೆಟಾ ಫೇಸ್‌ಲಿಫ್ಟ್ ಎಸ್‍ಯುವಿ ಮತ್ತು ಸ್ಟಾರ್‌ಗೇಜರ್ ಎಂಪಿವಿಯನ್ನು ಬಿಡುಗಡೆ ಮಾಡಿತ್ತು. ಈ ಎರಡೂ ಮಾದರಿಗಳನ್ನು ಇತ್ತೀಚೆಗೆ ಆಗ್ನೇಯ ಏಷ್ಯಾದ ರಾಷ್ಟ್ರಗಳಿಗಾಗಿ (ASEAN NCAP) ಕ್ರ್ಯಾಶ್ ಟೆಸ್ಟ್‌ಗೆ ಒಳಪಡಿಸಿತು.

ಹ್ಯುಂಡೈ ಕ್ರೆಟಾ ಮತ್ತು ಸ್ಟಾರ್‌ಗೇಜರ್ ASEAN NCAP ನಿಂದ ಪರೀಕ್ಷಿಸಲ್ಪಟ್ಟ ಹುಂಡೈನ ಎಸ್‍ಯುವಿ ಮತ್ತು ಎಂಪಿವಿ ಮಾದರಿಗಳಲ್ಲಿ ಮೊದಲನೆಯದು ಮತ್ತು ಹೊಸ ASEAN NCAP 2021-2025 ಮೌಲ್ಯಮಾಪನ ಪ್ರೋಟೋಕಾಲ್ ಅಡಿಯಲ್ಲಿ ಪರೀಕ್ಷಿಸಲಾಗಿದೆ. ಈ ಹೊಸ ಹ್ಯುಂಡೈ ಕ್ರೆಟಾ ASEAN NCAP ನ್ಲ್ಲಿ 5 ಸ್ಟಾರ್ ಕ್ರ್ಯಾಶ್ ಟೆಸ್ಟ್ ರೇಟಿಂಗ್ ಅನ್ನು ಪಡೆದುಕೊಂಡಿದೆ. ಇನ್ನು ಕ್ರ್ಯಾಶ್ ಟೆಸ್ಟ್‌ನಲ್ಲಿ ಸ್ಟಾರ್‌ಗೇಜರ್ ಎಂಪಿವಿಯು 4 ಸ್ಟಾರ್ ರೇಟಿಂಗ್ ಅನ್ನು ಪಡೆದುಕೊಂಡಿದೆ.

ಇತ್ತೀಚಿನ ASEAN NCAP ಕ್ರ್ಯಾಶ್ ಟೆಸ್ಟ್‌ನಲ್ಲಿ ಹ್ಯುಂಡೈ ಕ್ರೆಟಾ ಎಸ್‍ಯುವಿಯು ವಯಸ್ಕರ ರಕ್ಷಣೆಗಾಗಿ 34.72 ಅಂಕಗಳನ್ನು, ಮಕ್ಕಳ ಪ್ರಯಾಣಿಕರ ರಕ್ಷಣೆಗಾಗಿ 15.56 ಅಂಕಗಳನ್ನು ಮತ್ತು ಸುರಕ್ಷತಾ ಸಹಾಯಕ್ಕಾಗಿ 14.08 ಅಂಕಗಳನ್ನು ಮತ್ತು ಮೋಟಾರ್‌ಸೈಕ್ಲಿಸ್ಟ್ ಸುರಕ್ಷತೆಗಾಗಿ 11.42 ಅಂಕಗಳನ್ನು ಗಳಿಸಿದೆ. ASEAN NCAP ಕ್ರ್ಯಾಶ್ ಟೆಸ್ಟ್‌ ನಲ್ಲಿ ಬಳಸಲಾದ ಕ್ರೆಟಾವನ್ನು 2 ಏರ್‌ಬ್ಯಾಗ್‌ಗಳೊಂದಿಗೆ ಅಳವಡಿಸಲಾಗಿದೆ. ಈ ಎಸ್‍ಯುವಿಯ ಟಾಪ್-ಸ್ಪೆಕ್ ರೂಪಾಂತರಗಳು ಸಹ 6 ಏರ್‌ಬ್ಯಾಗ್‌ಗಳೊಂದಿಗೆ ಅಳವಡಿಸಲ್ಪಟ್ಟಿವೆ.

ಈ ಎಸ್‍ಯುವಿಯ ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ESC), ಆಂಟಿ-ಲಾಕ್ ಬ್ರೇಕಿಂಗ್ ಸಿಸ್ಟಮ್ (ABS), ಸೀಟ್‌ಬೆಲ್ಟ್ ರಿಮೈಂಡರ್ ಸಿಸ್ಟಮ್, ಮಕ್ಕಳ ಸೀಟುಗಳಿಗಾಗಿ ISOFIX ಸ್ಥಾಪನೆ ಮತ್ತು ಪಾದಚಾರಿ ರಕ್ಷಣೆ ತಂತ್ರಜ್ಞಾನವನ್ನು ಪಡೆಯುತ್ತದೆ. ಇದರ ಜೊತೆಗೆ, ಹೊಸ ಕ್ರೆಟಾವು ಆಟೋನೊಮಸ್ ಎಮರ್ಜನ್ಸಿ ಬ್ರೇಕಿಂಗ್, ಫಾರ್ವರ್ಡ್ ಕೊಲಿಷನ್ ವಾರ್ನಿಂಗ್, ಲೇನ್ ಕೀಪ್ ಅಸಿಸ್ಟ್, ಲೇನ್ ಡಿಪರ್ಚರ್ ವಾರ್ನಿಂಗ್, ಆಟೋ ಹೈ ಬೀಮ್ ಮತ್ತು ಬ್ಲೈಂಡ್ ಸ್ಪಾಟ್ ಡಿಟೆಕ್ಷನ್‌ನಂತಹ ವೈಶಿಷ್ಟ್ಯಗಳೊಂದಿಗೆ ADAS ತಂತ್ರಜ್ಞಾನವನ್ನು ಸಹ ಪಡೆಯುತ್ತದೆ.

ಇದಲ್ಲದೆ, ಆಯ್ಕೆಯ ಫಿಟ್‌ಮೆಂಟ್‌ನಂತೆ ಮೋಟಾರ್‌ಸೈಕಲ್‌ಗಾಗಿ ಮಕ್ಕಳ ಉಪಸ್ಥಿತಿ ಪತ್ತೆ ಮತ್ತು ಹಿಂಭಾಗದ ಅಡ್ಡ-ಸಂಚಾರ ಘರ್ಷಣೆ-ತಪ್ಪಿಸುವ ಸಹಾಯವನ್ನು ಹೊಂದಿದೆ. ಹ್ಯುಂಡೈ ಕ್ರೆಟಾ ಎಸ್‌ಯುವಿಯಲ್ಲಿ ಮೋಟಾರ್‌ಸೈಕಲ್ ಸುರಕ್ಷತೆ ಮತ್ತು ಮಕ್ಕಳ ಉಪಸ್ಥಿತಿ ಪತ್ತೆ ತಂತ್ರಜ್ಞಾನಕ್ಕಾಗಿ RCCA ತಂತ್ರಜ್ಞಾನದ ಫಿಟ್‌ಮೆಂಟ್ ಅನ್ನು ನೀಡುತ್ತಿದೆ. RCCA ಒಂದು ಹೆಚ್ಚುವರಿ ಸುರಕ್ಷತಾ ತಂತ್ರಜ್ಞಾನವಾಗಿದ್ದು, ಕಡಿಮೆ ವೇಗದಲ್ಲಿ ಹಿಮ್ಮುಖವಾಗಿ ಚಲಿಸುವಾಗ ಎಡ ಅಥವಾ ಬಲದಿಂದ ಸಮೀಪಿಸುತ್ತಿರುವ ವಾಹನದ ಉಪಸ್ಥಿತಿಯನ್ನು ಪತ್ತೆಹಚ್ಚಲು ಸಾಧ್ಯವಾಗುವ ಮೌಲ್ಯಮಾಪನದಲ್ಲಿ ಹುಂಡೈ ಹೈಲೈಟ್ ಮಾಡಿದೆ.

ಹ್ಯುಂಡೈ ಕ್ರೆಟಾ ಭಾರತೀಯ ಮಾರುಕಟ್ಟೆಯಲ್ಲಿ ಹೆಚ್ಚು ಮಾರಾಟವಾಗುವ ಎಸ್‍ಯುವಿಗಳಲ್ಲಿ ಒಂದಾಗಿದೆ. ಈ ಹ್ಯುಂಡೈ ಕ್ರೆಟಾ ಎಸ್‍ಯುವಿಯು ಅತ್ಯಂತ ಆಕರ್ಷಕ ವಿನ್ಯಾಸ ಮತ್ತು ಅತ್ಯಾಧುನಿಕ ಫೀಚರ್ಸ್ ಗಳ ಮೂಲಕ ಗ್ರಾಹಕರನ್ನು ಸೆಳೆಯುವಲ್ಲಿ ಯಶಸ್ವಿಯಾದ ಜನಪ್ರಿಯ ಮಾದರಿಯಾಗಿದೆ. ಹ್ಯುಂಡೈ ಕ್ರೆಟಾ ಎಸ್‍ಯುವಿಯು ಹೊಸ ನವೀಕರಣಗಳನ್ನು ಪಡೆದುಕೊಂಡಿದೆ. ಕ್ರೆಟಾದ ವಿನ್ಯಾಸವು ಜಾಗತಿಕವಾಗಿ ಬ್ರ್ಯಾಂಡ್‌ನಿಂದ ಸಂಯೋಜಿಸಲ್ಪಟ್ಟ ಇತ್ತೀಚಿನ ಸೆನ್ಸುಯಸ್ ಸ್ಪೋರ್ಟಿನೆಸ್ ವಿನ್ಯಾಸ ತತ್ವವನ್ನು ಅನುಸರಿಸುತ್ತದೆ. ಹೀಗಾಗಿ ಮುಂಭಾಗದ ಫಾಸಿಕ ಸಂಪೂರ್ಣವಾಗಿ ವಿಭಿನ್ನವಾಗಿದೆ.

ಕ್ರೆಟಾವು ಟ್ಯೂಸಾನ್ ನಂತೆಯೇ ಅದೇ ಶೈಲಿಯನ್ನು ಹೊಂದಿದೆ ಹ್ಯುಂಡೈ ತನ್ನ ಮಿಡ್-ಲೈಫ್ ಪರಿಷ್ಕರಣೆಗಳಿಗೆ ಗಣನೀಯ ನವೀಕರಣಗಳನ್ನು ತರಲು ಹೆಸರುವಾಸಿಯಾಗಿದೆ ಮತ್ತು ಮುಂಬರುವ ಕ್ರೆಟಾವು ಅಸ್ತಿತ್ವದಲ್ಲಿರುವ ಮಾದರಿಯ ಯಶಸ್ಸಿನ ಮೇಲೆ ತಯಾರಿಸಲಾಗುತ್ತದೆ, ಈ ಹೊಸ ಕ್ರೆಟಾ ಎಸ್‍ಯುವಿ ಹೊಸ ಪ್ಯಾರಾಮೆಟ್ರಿಕ್ ಜ್ಯುವೆಲ್ ಪ್ಯಾಟರ್ನ್ ಗ್ರಿಲ್ ಅನ್ನು ಹೊಂದಿದ್ದು ಅದು ಎಲ್‌ಇಡಿ ಡಿಆರ್‌ಎಲ್‌ ಗಳನ್ನು ಸಂಯೋಜಿಸುತ್ತದೆ. ಇದು ಎಸ್‍ಯುವಿಯನ್ನು ಇನ್ನಷ್ಟು ಆಕರ್ಷಕವಾಗಿ ಕಾಣುವಂತೆ ಮಾಡಿದೆ.

ಇನ್ನು ಹೊಸ ಎಲ್‌ಇಡಿ ಹೆಡ್‌ಲ್ಯಾಂಪ್‌ಗಳು, ತೆಳ್ಳನೆಯ ಏರ್ ಇನ್ ಟೆಕ್ ನೊಂದಿಗೆ ಪರಿಷ್ಕೃತ ಬಂಪರ್, ಸಿಲ್ವರ್ ಬಣ್ಣದ ಫಾಕ್ಸ್ ಸ್ಕಿಡ್ ಪ್ಲೇಟ್ ಮತ್ತು ಹೊಸದಾಗಿ ವಿನ್ಯಾಸಗೊಳಿಸಲಾದ ಫಾಗ್ ಲ್ಯಾಂಪ್ ಅಸೆಂಬ್ಲಿ ಅದರ ಸ್ಪೋರ್ಟಿಯರ್ ನೋಟವನ್ನು ಇನ್ನಷ್ಟು ಹೆಚ್ಚಿಸುತ್ತದೆ. ಈ ಎಸ್‍ಯುವಿಯು ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ಸ್ (ADAS) ನೊಂದಿಗೆ ಬರುತ್ತದೆ. ಹೊಸ ಡಿಜಿಟಲ್ ಡ್ರೈವರ್ ಡಿಸ್‌ಪ್ಲೇ, ನವೀಕರಿಸಿದ ಬ್ಲೂಲಿಂಕ್ ಕನೆಕ್ಟಿವಿಟಿಯ ಕಾರ್ ತಂತ್ರಜ್ಞಾನ ಮತ್ತು 360 ಡಿಗ್ರಿ ಕ್ಯಾಮೆರಾವನ್ನು ಒಳಗೊಂಡಿದೆ.