Just In
- 32 min ago HSRP ನಂಬರ್ ಪ್ಲೇಟ್ನಲ್ಲಿ ನಡೆಯುತ್ತಿದೆ ಭಾರೀ ಮೋಸ: ಬುಕ್ ಮಾಡದವರು ಇದನ್ನು ಗಮನಿಸಿ!
- 37 min ago Nissan Magnite: ಕಾಮಧೇನುವಾದ ನಿಸ್ಸಾನ್ ಮ್ಯಾಗ್ನೈಟ್.. 6 ಲಕ್ಷ ಬೆಲೆ, 20 ಕಿ.ಮೀ ಮೈಲೇಜ್
- 1 hr ago ಬೈಕಿನಂತೆ ಮೈಲೇಜ್, ಹಿಂದೆಗಿಂತಲೂ ಬಲಿಷ್ಠವಾಗಿ ಸ್ವಿಫ್ಟ್ ಅಖಾಡಕ್ಕೆ: ಖರೀದಿಸಲು ಕ್ಯೂ ನಿಲ್ಲಲು ರೆಡಿಯಾಗಿರಿ!
- 1 hr ago Tata: ಒಬ್ಬರೇ ಬಂದು 2 ಸಾವಿರ ಟಾಟಾ ಎಲೆಕ್ಟ್ರಿಕ್ ಕಾರುಗಳನ್ನು ಖರೀದಿಸಿ ಹೋಗಿಬಿಟ್ಟರು!
Don't Miss!
- Lifestyle ಎಲೆಕೋಸಿಗೆ ಕೆಮಿಕಲ್ ಮಿಶ್ರಣ ಮಾಡ್ತಾರೆ ಹುಷಾರ್..! ವಿಡಿಯೋ ವೈರಲ್..!
- News ಉಚಿತ ಉಪಹಾರದಿಂದ ಉಚಿತ ದಂತ ತಪಾಸಣೆವರೆಗೆ; ಮತದಾನ ಮಾಡಿದವರಿಗೆ ಭರ್ಜರಿ ಆಫರ್ ಕೊಟ್ಟ ಮೈಸೂರು ವ್ಯಾಪಾರಸ್ಥರು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Movies Lok Sabha Election 2024: ಕನ್ನಡ ತಾರೆಯರು ನಾಳೆಏಪ್ರಿಲ್ 26 ಎಲ್ಲೆಲ್ಲಿ ತಮ್ಮ ಹಕ್ಕು ಚಲಾಯಿಸುತ್ತಾರೆ?
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮುಂದಿನ ಸಿನಿಮಾದಲ್ಲಿ ಜೇಮ್ಸ್ ಬಾಂಡ್ ಚಲಿಸುವುದು ಇದೇ ಕಾರಿನಲ್ಲಿ..!
ಜೇಮ್ಸ್ ಬಾಂಡ್ ಸಿನಿಮಾ ಎಂದ ಕೂಡಲೇ ನಮ್ಮ ಕಣ್ಮುಂದೆ ಬರುವುದು ಆಕ್ಷನ್ ದೃಶ್ಯಗಳು, ಬುಲೆಟ್ಗಳ ಸದ್ದು, ವಿಲನ್ಗಳು, ಕಾರುಗಳ ಚೇಸಿಂಗ್ ಹಾಗೂ ಬಾಂಡ್ 007ನ ಆಸ್ಟನ್ ಮಾರ್ಟಿನ್ ಕಾರು. ಈ ಹಿಂದಿನ ಸರಣಿಯ ಸಿನಿಮಾಗಳಲ್ಲಿ ಆಸ್ಟನ್ ಮಾರ್ಟಿನ್ನ ಡಿಬಿ 5, ಡಿಬಿಎಸ್ ಕಾರುಗಳನ್ನು ಬಳಸಲಾಗಿತ್ತು.
ಜೇಮ್ಸ್ ಬಾಂಡ್ ಸರಣಿಯ ಹೊಸ ಸಿನಿಮಾ ನೋ ಟೈಂ ಟು ಡೈನಲ್ಲಿ ಹೊಸ ಆಸ್ಟನ್ ಮಾರ್ಟಿನ್ ಕಾರು ಬಳಕೆಯಾಗಲಿದೆ. ಈ ಕಾರು ಆಸ್ಟನ್ ಮಾರ್ಟಿನ್ ಕಂಪನಿಯ ವಲ್ಹಾಲಾ ಆಗಿದ್ದು, ಬ್ರಿಟಿಷ್ ಮೂಲದ ಕಾರು ತಯಾರಕ ಕಂಪನಿಯ ಸ್ಪೋರ್ಟ್ಸ್ ಕಾರ್ ಆಗಿದೆ.
ಈ ಹೊಸ ಕಾರಿನ ವೀಡಿಯೊವನ್ನು ಸೂಪರ್ ಕಾರ್ ಬ್ಲಾಂಡಿ ಯುಟ್ಯೂಬ್ನಲ್ಲಿ ಅಪ್ಲೋಡ್ ಮಾಡಿದೆ. ಈ ಕಾರ್ ಅನ್ನು ಬೇರೆ ಸೂಪರ್ ಕಾರುಗಳಿಗಿಂತ ವಿಶಿಷ್ಟವಾಗಿ ವಿನ್ಯಾಸಗೊಳಿಸಲಾಗಿದೆ. ವಲ್ಹಾಲಾ ಮಿಡ್ ಎಂಜಿನ್ ಹೊಂದಿರುವ ಸ್ಪೋರ್ಟ್ಸ್ ಕಾರ್ ಆಗಿದೆ.
ಈ ಸ್ಪೋರ್ಟ್ಸ್ ಕಾರ್ ಅನ್ನು ಆಸ್ಟನ್ ಮಾರ್ಟಿನ್ ವಲ್ಕೈರ್ ಆಧಾರದ ಮೇಲೆ ತಯಾರಿಸಲಾಗಿದೆ. ವಲ್ಹಾಲಾ ಸ್ಪೋರ್ಟ್ಸ್ ಕಾರ್ ಅನ್ನು ಸಾರ್ವಜನಿಕ ರಸ್ತೆಯಲ್ಲಿಯೂ ಚಲಾಯಿಸಬಹುದಾಗಿದೆ. ಈ ವೀಡಿಯೊದಲ್ಲಿ ಈ ಕಾರು ಮುಂದಿನ ಜೇಮ್ಸ್ ಬಾಂಡ್ ಚಿತ್ರದಲ್ಲಿ ಇರಲಿದೆ ಎಂದು ಹೇಳಲಾಗಿದೆ.
ಈ ವೀಡಿಯೊದಲ್ಲಿ ಕಾರಿನ ಮುಂಭಾಗ, ಹಿಂಭಾಗ ಹಾಗೂ ಸೈಡ್ಗಳನ್ನು ತೋರಿಸಲಾಗಿದೆ. ಕಾರಿನ ತೂಕವನ್ನು ಕಡಿಮೆಗೊಳಿಸಲು ಈ ಕಾರಿನಲ್ಲಿರುವ ಹೆಡ್ಲೈಟ್, ಸೆಂಟರ್ ಕಂಸೋಲ್ ಹಾಗೂ ಸ್ವಿಚ್ಗಳನ್ನು 3ಡಿಯಲ್ಲಿ ಪ್ರಿಂಟ್ ಮಾಡಲಾಗಿದೆ.
ವಲ್ಹಾಲಾ ಮಿಡ್ ಎಂಜಿನ್ ಹೊಂದಿರುವ ಸೂಪರ್ ಕಾರ್ ಆಗಿರುವ ಕಾರಣಕ್ಕೆ, ಎಂಜಿನ್ ಅನ್ನು ಹಿಂಭಾಗದಲ್ಲಿ ಅಳವಡಿಸಲಾಗಿದೆ. ಕಾರಿನಲ್ಲಿರುವ ಕಾರ್ಬನ್ ಫೈಬರ್ ಸ್ಪಾಯಿಲರ್, ಕಾರು ಹೆಚ್ಚಿನ ವೇಗದಲ್ಲಿ ಸಾಗುವಾಗ ತಾನಾಗಿಯೇ ಬಾಗುತ್ತದೆ.
ಕಾರಿನ ಹಿಂಭಾಗವು ಹದ್ದಿನ ಶೇಪ್ ಹೊಂದಿದ್ದು, ವಿಂಗ್ಗಳು ತೆರೆದು ಕೊಂಡಿವೆ. ಈ ಕಾರು ಒಆರ್ವಿಎಂಗಳನ್ನು ಹೊಂದಿಲ್ಲ. ಇದರ ಬದಲಿಗೆ ಈ ಕಾರಿನಲ್ಲಿ ಟ್ರಾಫಿಕ್ ಹಾಗೂ ಹಿಂಬದಿಯಲ್ಲಿ ಬರುವ ವಾಹನಗಳನ್ನು ಕಾಣಲು ಕ್ಯಾಮರಾಗಳನ್ನು ಅಳವಡಿಸಲಾಗಿದೆ.
ಕಾರಿನ ಒಳಗೆ ಸ್ಪೇಸ್ಶಿಪ್ ರೀತಿಯ ಸ್ಟೀಯರಿಂಗ್ ವ್ಹೀಲ್ ಹಾಗೂ ವಿವಿಧ ಮಾಹಿತಿಗಳನ್ನು ನೀಡಲು ಸ್ಕ್ರೀನ್ಗಳನ್ನು ನೀಡಲಾಗಿದೆ. ವಲ್ಹಾಲಾ ಕಾರಿನಲ್ಲಿರುವ ಸೀಟುಗಳನ್ನು ಬಾಲಿಸ್ಟಿಕ್ ನೈಲಾನ್ನಿಂದ ತಯಾರಿಸಲಾಗಿದೆ.
ಈ ಬಾಲಿಸ್ಟಿಕ್ ನೈಲಾನ್ ಅನ್ನು ಮಿಲಿಟರಿಗಳಲ್ಲಿ ಬಳಸಲಾಗುತ್ತದೆ. ವಲ್ಹಾಲಾ ಹೈಬ್ರಿಡ್ ಸೂಪರ್ ಕಾರಿನಲ್ಲಿ ಟ್ವಿನ್ ಟರ್ಬೊ ವಿ6 ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 985 ಬಿಹೆಚ್ಪಿ ಪವರ್ ಉತ್ಪಾದಿಸುತ್ತದೆ.
ಆಸ್ಟನ್ ಮಾರ್ಟಿನ್ ಕಂಪನಿಯು ವಲ್ಹಾಲಾ ಕಾರಿನ 500 ಯುನಿಟ್ಗಳನ್ನು ಮಾತ್ರ ಉತ್ಪಾದಿಸಲಿದೆ. ಈ ಸೂಪರ್ ಕಾರು ಮುಂಬರುವ ಜೇಮ್ಸ್ ಬಾಂಡ್ ಚಿತ್ರದಲ್ಲಿ ಡಿಬಿ5, ಡಿಬಿಎಸ್ ಸೂಪರ್ ಲೆಗೆರಾ ಹಾಗೂ ಆಸ್ಟನ್ ಮಾರ್ಟಿನ್ ವಿ8 ಕಾರುಗಳ ಜೊತೆಗೆ ಕಾಣಿಸಿಕೊಳ್ಳಲಿದೆ.