ಎಲೆಕ್ಟ್ರಿಕ್ ಬೈಕ್ ತಯಾರಿಸಿದ ಸೈಕಲ್ ಶಾಪ್ ಮಾಲೀಕ

ಈಗ ಸೈಕಲ್ ಬೈಸಿಕಲ್ ರಿಪೇರಿ ಅಂಗಡಿಯ ಮಾಲೀಕರೊಬ್ಬರು ಎಲೆಕ್ಟ್ರಿಕ್ ಬೈಕ್ ತಯಾರಿಸಿರುವ ಸುದ್ಧಿ ಹೊರಬಂದಿದೆ. ಈ ಮಾಲೀಕರು 11 ತಿಂಗಳ ಹಿಂದೆ ಈ ಬೈಕ್ ತಯಾರಿ ಕೆಲಸವನ್ನು ಆರಂಭಿಸಿದರು. ಬೇರೆ ವಾಹನಗಳ ಬಿಡಿಭಾಗಳನ್ನು ಬಳಸಿ ಈ ಎಲೆಕ್ಟ್ರಿಕ್ ಬೈಕ್ ಅನ್ನು ತಯಾರಿಸಲಾಗಿದೆ.

ಈ ಎಲೆಕ್ಟ್ರಿಕ್ ಬೈಕಿನಲ್ಲಿ ಬೇರೆ ಬೈಕ್‌ಗಳ ಹಾಗೂ ಸೈಕಲ್‌ಗಳ ಬಿಡಿ ಭಾಗಗಳನ್ನು ಬಳಸಲಾಗಿದೆ. ಇದರ ಜೊತೆಗೆ ಈ ಬೈಕಿಗೆ ಅಗತ್ಯವಿದ್ದ ಬಿಡಿ ಭಾಗಗಳನ್ನು ಸೈಕಲ್ ರಿಪೇರಿ ಅಂಗಡಿ ಮಾಲೀಕರು ತಮ್ಮ ವರ್ಕ್ ಶಾಪ್ ನಲ್ಲಿ ತಯಾರಿಸಿ ಕೊಂಡಿದ್ದಾರೆ.

ಲೇಥ್ ವರ್ಕ್ ಶಾಪ್ ನಲ್ಲಿ ಈ ಬಿಡಿಭಾಗಗಳನ್ನು ಅಭಿವೃದ್ಧಿಪಡಿಸಲಾಗಿದೆ. ಈ ಬೈಕಿನ ಹಿಂಭಾಗದಲ್ಲಿ ಅಳವಡಿಸಲಾಗಿರುವ ಸ್ಪ್ರಾಕೆಟ್ ಅನ್ನು ಅವರು ಹೊರಗಿನಿಂದ ಖರೀದಿಸಿದ್ದಾರೆ. ಈ ಎಲೆಕ್ಟ್ರಿಕ್ ಬೈಕಿನಲ್ಲಿ ಅಳವಡಿಸಿರುವ ಬ್ಯಾಟರಿಯು ಸುಮಾರು 4 ಗಂಟೆಗಳಲ್ಲಿ ಪೂರ್ತಿಯಾಗಿ ಚಾರ್ಜ್ ಆಗುತ್ತದೆ.

ಬ್ಯಾಟರಿಯು ಪೂರ್ತಿಯಾಗಿ ಚಾರ್ಜ್ ಆದ ನಂತರ ಈ ಬೈಕ್ 20-22 ಕಿ.ಮೀಗಳವರೆಗೆ ಚಲಿಸುತ್ತದೆ. ದೊಡ್ಡ ದೊಡ್ಡ ಕಂಪನಿಯ ಬೈಕುಗಳಿಗೆ ಹೋಲಿಸಿದರೆ ಇದು ಕಡಿಮೆ ದೂರವೆನಿಸಿದರೂ ಬೇರೊಬ್ಬರ ಸಹಾಯವಿಲ್ಲದೆ ಸೈಕಲ್ ಶಾಪ್ ಮಾಲೀಕರೇ ಈ ಎಲೆಕ್ಟ್ರಿಕ್ ಬೈಕ್ ಅನ್ನು ಸ್ವತಃ ರಚಿಸಿದ್ದಾರೆ ಎಂಬುದನ್ನು ಗಮನಿಸಬೇಕು.

170 ಕೆ.ಜಿ ತೂಕವನ್ನು ಹೊಂದಿರುವ ಈ ಎಲೆಕ್ಟ್ರಿಕ್ ಬೈಕಿನ ಮುಂಭಾಗ ಹಾಗೂ ಹಿಂಭಾಗದಲ್ಲಿ ಡಿಸ್ಕ್ ಬ್ರೇಕ್‌ಗಳನ್ನು ಅಳವಡಿಸಲಾಗಿದೆ. ಈ ಎಲೆಕ್ಟ್ರಿಕ್ ಬೈಕ್ ಅನ್ನು ಬಾಬರ್ ಶೈಲಿಯಲ್ಲಿ ವಿನ್ಯಾಸಗೊಳಿಸಲಾಗಿದೆ.

ಇಬಾಡು ರಹಮಾನ್ ಟೆಕ್ಎತ್ತರದ ಹ್ಯಾಂಡಲ್‌ಬಾರ್‌ಗಳನ್ನು ಹೊಂದಿರುವ ಈ ಎಲೆಕ್ಟ್ರಿಕ್ ಬೈಕಿನಲ್ಲಿ ಕೇವಲ ಒಂದು ಸೀಟನ್ನು ನೀಡಲಾಗಿದೆ. ಈ ಎಲೆಕ್ಟ್ರಿಕ್ ಬೈಕಿನ ಮುಂಭಾಗದಲ್ಲಿರುವ ಸರ್ಕ್ಯುಲರ್ ಹೆಡ್‌ಲ್ಯಾಂಪ್ ಈ ಬೈಕಿಗೆ ರೆಟ್ರೊ ಲುಕ್ ನೀಡುತ್ತದೆ. ಈ ವೀಡಿಯೊವನ್ನು ಇಬಾಡು ರಹಮಾನ್ ಟೆಕ್ಎಂಬುವವರು ತಮ್ಮ ಯೂಟ್ಯೂಬ್ ಚಾನೆಲ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ.

ಈ ವೀಡಿಯೊ ಬಹುತೇಕ ಜನರ ಗಮನ ಸೆಳೆದಿದೆ. ಭಾರತದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಕ್ರಿಯಾತ್ಮಕ ಚಿಂತನೆಗಳನ್ನು ಹೊಂದಿರುವ ಜನರಿದ್ದು, ಈ ರೀತಿಯ ವಾಹನಗಳನ್ನು ತಯಾರಿಸುತ್ತಲೇ ಇರುತ್ತಾರೆ. ಪ್ರತಿಭಾವಂತ ವ್ಯಕ್ತಿಗಳು ತಮ್ಮ ಮನೆಯಲ್ಲಿಯೇ ಈ ರೀತಿಯ ಬೈಕ್ ಗಳನ್ನು ತಯಾರಿಸುತ್ತಿರುವುದು ಇದೇ ಮೊದಲಲ್ಲ.

ಅವರ ಸಾಧನೆಗಳು, ಆವಿಷ್ಕಾರಗಳು ನಮಗೆ ಸ್ಫೂರ್ತಿ ನೀಡಬಹುದಾದರೂ, ಹೀಗೆ ತಯಾರಿಸಲಾದ ವಾಹನಗಳು ಕಾನೂನಿಗೆ ವಿರುದ್ಧವಾಗಿವೆ.ಈ ರೀತಿ ತಯಾರಾದ ವಾಹನಗಳ ಸಂಚಾರಕ್ಕೆ ಸಾರಿಗೆ ಇಲಾಖೆ ಅಧಿಕಾರಿಗಳು ಅನುಮತಿ ನೀಡುವುದಿಲ್ಲ. ಈ ವಾಹನಗಳನ್ನು ಸಾರ್ವಜನಿಕ ರಸ್ತೆಗಳ ಬದಲು ಖಾಸಗಿ ಸ್ಥಳಗಳಲ್ಲಿ ಚಾಲನೆ ಮಾಡಬೇಕಾಗುತ್ತದೆ.