ಮೈಯೆಲ್ಲ ಹೊಸ ಬಣ್ಣ ಹಚ್ಚಲಿರುವ ಬಜಾಜ್ ವಿ15

By Nagaraja

Published: Thursday, June 2, 2016, 18:13 [IST]

ಐಕಾನಿಕ್ ಯುದ್ಧ ವಿಮಾನ ವಾಹನ ನೌಕೆ ಐಎನ್ ಎಸ್ ವಿಕ್ರಾಂತ್ ಹಡಗಿನ ಲೋಹದಿಂದ ತಯಾರಿಸಿರುವ ಬಜಾಜ್ ವಿ15 ಈಗಾಗಲೇ ಭಾರತೀಯ ದ್ವಿಚಕ್ರ ವಾಹನ ಮಾರುಕಟ್ಟೆಯಲ್ಲಿ ಗಮನ ಸೆಳೆದಿದೆ. ಬಿಡುಗಡೆಯಾದ ಮೊದಲ ತಿಂಗಳಲ್ಲೇ ಟಾಪ್ 10 ಗರಿಷ್ಠ ಮಾರಾಟವಾಗುವ ಬೈಕ್ ಗಳ ಸಾಲಿಗೆ ಸೇರಿಕೊಂಡಿರುವ ಬಜಾಜ್ ವಿ15 ಮತ್ತಷ್ಟು ಮಾರಾಟವನ್ನು ಸಂಸ್ಥೆಯು ಗುರಿಯಾಗಿರಿಸಿಕೊಂಡಿದೆ.

ಈ ನಿಟ್ಟಿನಲ್ಲಿ ಬಜಾಜ್ ವಿ15 ಬೈಕ್‌ಗೆ ಹೊಸತಾದ ಬಣ್ಣ ಹಚ್ಚಲು ಸಂಸ್ಥೆ ನಿರ್ಧರಿಸಿದೆ. ನೂತನ ಬಜಾಜ್ ವಿ15 ಅತಿ ಶೀಘ್ರದಲ್ಲೇ ವೈನ್ ರೆಡ್ ಬಣ್ಣದಲ್ಲೂ ಲಭ್ಯವಾಗಲಿದ್ದು, ಒಟ್ಟು ಬಣ್ಣಗಳ ಸಂಖ್ಯೆಯು ಮೂರಕ್ಕೆ ಏರಿಕೆಯಾಗಲಿದೆ.

ಎಬೋನಿ ಬ್ಲ್ಯಾಕ್ ಮತ್ತು ಪಿಯರ್ಲ್ ವೈಟ್ ಗಳೆಂಬ ಬಣ್ಣಗಳು ಈಗಾಗಲೇ ಮಾರುಕಟ್ಟೆಯಲ್ಲಿದೆ. ಇದಕ್ಕೀಗ ಹೊಸತಾದ ವೈನ್ ರೆಡ್ ಸೇರ್ಪಡೆಯಾಗಲಿದೆ.

ಬಜಾಜ್ ವಿ15 ದೇಹದ್ಯಾಂತ ಕೆಂಪು ಜೊತೆಗೆ ಕಪ್ಪು ವರ್ಣದ ಮಿಶ್ರಣವನ್ನು ಕಾಣಬಹುದಾಗಿದೆ. ಇದಲ್ಲದೆ ಹೆಚ್ಚಿನ ಬದಲಾವಣೆಗಳು ಕಂಡುಬಂದಿಲ್ಲ.

1971ರ ಭಾರತ-ಪಾಕಿಸ್ತಾನ ಯುದ್ಧದಲ್ಲಿ ನಿರ್ಮಾಣಕ ಪಾತ್ರ ವಹಿಸಿರುವ ಭಾರತೀಯ ನೌಕಾಸೇನೆಯ ವಿಮಾನಧಾರಕ ನೌಕೆ 'ವಿಕ್ರಾಂತ್' ಯುದ್ಧ ವಿಮಾನದ ಉಕ್ಕಿನ ಲೋಹದಿಂದ ಅತ್ಯಾಧುನಿಕ ವಿ15 ನಿರ್ಮಿಸಲಾಗಿದೆ.